Çiçek ayınıñ 16-nda aqşam ve gece işğal etilgen Sevastopolda (Aqyarda) ava telükesi ilân etildi. İşğalciler ukrayin dronlarnıñ şeerge ücüm etkeni ve şahsiy evlerniñ pencerelerine zarar ketirgeni aqqında bildirdiler. Olarnıñ aytqanına köre, vatandaşlar zarar körmedi.
İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) "gubernatorı" Telegramda bu aqqında yazdı.
"Bu gece AMS quvetleri ve Qara deñiz flotunıñ quvetleri USQniñ ücümini kene de bastırdılar. Umumen 19 UUA tüşürildi. Sevastopolnıñ (Aqyarnıñ — terciman) qurtaruv hızmetiniñ malümatına köre, Balıqlava rayonında eki şahsiy evniñ pencereleri zarar kördi. Eñ esası — bir kimse zarar körmedi", — dep haberde qayd etildi.
"Qırım yeli" monitoring resursınıñ malümatına köre, patlavlar işğal etilgen Qırımnıñ diger bölgelerinde de eşitildi. Olarnıñ menbaları, Qurman rayonındaki Büyük Onlar (Oktâbrske) köyü civarındaki neft bazasında yanğın çıqqanını bildirdi.
Bundan ğayrı, uydu resimleri Bağçasaray rayonında "TES" şirketiniñ "Neft-gaz anbarı" obyektinde yanğınnı qayd ete.
Rusiye Mudafaa nazirligi işğal etilgen Qırım, Qara ve Azaq deñizleri ve Rusiye toprağınıñ üzerinde 207 dronnıñ "yok etilgeni" aqqında bildire.
Ukrayina arbiy hızmetçileri bu malümat derc etilgende izaat bermedi.
İşğal etilgen Qırımda, çiçek ayınıñ 15-nde gece yüz bergen patlavlarnıñ şaatları aytqanı kibi, patlavlar Ermeni Bazar, Caköy, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında yüz berdi. Uydu resimleri çiçek ayınıñ 15-te Canköyde, Azovske ve Mayske köylerinde, em de Keriç boğazında yanğınnı qayd ete. Rusiye Mudafaa nazirligi Qara ve Azaq deñizlerinde, işğal etilgen Qırım ve Rusiye toprağı üzerinde 85 ukrayin dronınıñ "tüşürilgeni" aqqında bildirdi.
Daa soñra, Ukrayina mudafaa quvetleriniñ çiçek ayınıñ 15-ne keçer gecesi işğal etilgen Qırımda "Nebo-SVU" radiolokatsiya stantsiyasına ücüm etkeni aqqında Ukrayina Silâlı quvetleriniñ Baş ştabı bildirdi.
Nezaret resursları çiçek ayınıñ 14-ne keçer gecesi işğal etilgen Qırımda patlavlar aqqında da haber etti. Hususan, Simferopol (Aqmescit), Feodosiya (Kefede) ve Keriç rayonlarında. Rusiye Mudafaa nazirligi yarımada ve Rusiye toprağına ücüm etken dron aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
