Ukrayina Mudafaa nazirliginiñ Baş istihbarat idaresi, olarnıñ insansız sistemalar quvetleri sabannıñ 24-nde gece işğal etilgen Qırımda "Bastion" kompleksinden "Tsirkon" hipersonik raketalarnıñ uçuruv qurulışını tapıp yoq etkenini kösterdi.
Bİİ Facebookta bunı bildirdi.
"İstihbaratçılarnıñ ateşleri neticesinde "Tsirkon"nıñ bir uçuruv qurulışı ve eki çoq paalı qurulışı yoq etildi, daa bir "Bastion" zarar kördi. Yedi işğalci öldürildi ve yaralandı", — dep haberde qayd etildi.
Bİİ qayd etti ki, RF Silâlı quvetleri "Bastion" kompleksinden "Tsirkon" raketalarını esasen Ukrayina ealisini, hususan, cenübiy ve şarqiy vilâyetlerni qorquzmaq içün qullana.
Hatırlatamız ki, sabannıñ 24-ne keçer gecesi Ukrayina Mudafaa quvetleriniñ bölükleri vaqtınca işğal etilgen topraqlarda, hususan Qırımda, Rusiye ordularınıñ bir sıra müim arbiy obyektlerine ücüm etti. Hususan, Aqtaçı mesken yeri civarında "Bastion" yalı raketa kompleksinden uçuruv qurulışınıñ zarar körmesi aqqında söz yürsetile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
