Ukrayina Silâlı quvetleriniñ insanlar sistemalar quvetleri, çiçek ayınıñ 15 ve 16 künleri 414-ünci "Ptahı Madâra" ayrı brigadası işğal etilgen Qırımdaki — Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) "Pantsir-S1" ZRGK, Kurortne ve Mijğiryada "İskander" OTRKniñ yerleşkeni eki rayonda, Qurman rayonındaki Büyük Onlar (Oktâbrske) köyü ve Bağçasaray rayonındaki Ğlıbokıy Yarda yerleşken neft bazasına uçucısız uçaq aletlerinen ücüm etkenini bildirdi.
USQniñ İnsansız Sistemler Quvetleri bu aqqında haber etti.
"Brigada "İskander" OTRKniñ eki rayonında çalıştı — Kurortne ve Mijğiryada. ''Ptahı Madâra'' tarafından yapılğan ücüm, yaqarlıq astyapısına da tesir etti. Büyük Onlar "Oktâbrske" ve Ğlıbokıy Yarda neft bazaları. Dronlar vaqtınca işğal etilgen Qırımda "Pantsir-S1" ZRGKni urdı. Ameliyat çiçek ayınıñ 15-16 künleri İSQ Teren zarar merkezinen işbirlikte keçirildi. Biz tezlikni arttıramız: daa çoq basqı yapılacaq, muvafaqiyetli operatsiyalarnıñ miqyası köterilecek ve yañı taktik qararlar berilecek. Bizim maqsadımız deñişmey — duşmannıñ küçü bütünley yoq olğanına qadar onıñ sistematik zayıflatılmasıdır", — dep haberde qayd etildi.
Hatırlatamız ki, çiçek ayınıñ 16-nda "Qırım yeli" nezaret resursı Qurman rayonı ve Bağçasaray rayonındaki Büyük Onlar (Oktâbrske) köyü civarında olğan yanğınlar aqqında uydu resimlerini derc etti.
Çiçek ayınıñ 15-nde işğal etilgen Feodosiya (Kefe) rayonında patlamalar aqqında haber berdiler.
İşğal etilgen Feodosiyada (Kefede) "Pantsir-S1" ZRGK. Скриншот відео Сил безпілотних систем ЗСУ
Bundan ğayrı, İSQ Donetsk vilâyetindeki obyektlerni muvafaqiyetnen yoq etkenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
