İşğal etilgen Qırımda olğan adiselerniñ şaatlarınıñ malümatına köre, bu gece patlavlar Ermeni Bazar, Canköy, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında yüz berdi. Uydu resimleri çiçek ayınıñ 15-nde Canköyde ve Azovske ve Mayske köylerinde, em de Keriç boğazında yanğınnı qayd ete. Rusiye Mudafaa nazirligi, işğal etilgen Qırım ve Rusiye toprağı üzerinde Qara ve Azaq deñizlerinde 85 ukrayin dronını "tüşürgeni" aqqında bildirdi.
RF Mudafaa nazirligi Telegramda ukrayin UUAleriniñ "tüşürilgeni" aqqında haber etti.
"Keçken gece, çiçek ayınıñ 14-nde saat 20:00-dan çiçek ayınıñ 15-nde saat 07:00-ğa qadar, 85 ukrayin uçucısız uçaq aletleri Belgorod, Voronej, Rostov, Samara, Saratov vilâyetleri, Qırım Cumhuriyeti, Azaq ve Qara deñizleriniñ suvları üzerinde zapt etildi", — dep Rusiye tarafı bildirdi.
Ukrayina arbiy hızmetçileri işğal etilgen Qırımğa ücüm aqqında malümat derc etilgende tefsir etmedi.
"Qırım yeli" monitoring Telegram resursı bildirdi ki, Canköy rayonında uydu istihbaratı yanğınlarnı qayd ete — Canköydeki elektrik stantsiyasında ve Azovskey köyünde yaqıt-mazı malzemeleri anbarında. Olarnıñ malümatına köre, o gece gürültili patlavlar Ermeni Bazar, Canköy, Feodosiya (Kefe) ve Simferopol (Aqmescit) rayonlarında oldı.
Bundan ğayrı, "Qırım yeli" Keriç boğazındaki yanğın aqqında malümatnı derc ete.
"4485579 36.70685 koordinatlı noqta yanğınğa oğradı. Bu, Qara deñiz tarafından Kerç keçitiniñ cenübinde 20 kilometrlik mesafede. Yanğan şey arbiy gemidir ya da vatandaş gemisi, şimdilik belli degil", — dep haberde qayd etildi.
"Exilenova+" ukrayin monitoring Telegram kanalı NASA FIRMS hızmeti esasında Canköy şeerinde ve Mayske köyünde (Azovske civarında) yanğın aqqında malümatnı derc ete.
"Sıcaqlıa işaretleri yanğınnıñ 330 kilovoltlıq "Canköy" ast stantsiyasında olğanını köstere. NASA FIRMS hızmeti Canköy rayonınıñ Mayske köyünde yanğınnı qayd etti. Termal işaretleri yaqıcı maddelerniñ anbarında yanğanını köstere", — dep haberde qayd etildi.
Aynı zamanda, Qara deñizde gece yüz bergen yanğın aqqında da haber etile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
