İşğal etilgen Aluşta şeerindeki evlerge suv bir qaç saatke berile — "Sarı şerit"

İşğal etilgen Aluştada suv teminatı, Körbekül yapma gölündeki suv seviyesi alçaq olğanı sebebinden, şimdilik cedvelge köre ola. Yapma gölü qurulğanda bu meseleni çezmege vade eteler. Lâkin bu, işğalcilerniñ eñ eyi tahminlerine köre, 2030 senesi olacaq.

"Sarı şerit" areketiniñ faalcileri Telegramda bunı bildirdiler.

"Şeer sakinleri suvnı künde bir qaç saatke alalar, çünki Körbekül yapma gölündeki suv seviyesi pek alçaq. Turistik mevsim daa başlamadı bile. İşğalli akimiyet yañı yapma gölüni quracağını bildire, o, vaziyetni stabilleştirmek kerek, lâkin leyhanıñ ömürge keçirilüvi 2030 senesine belgilendi. Bu, şeerniñ kelecek yılları devamlı suv qıtlığı altında qalacağını ve "çezüv" vadeleri eñ az 4 yılğa qaldırılğanını ifadeley", — dep haberde qayd etildi.

İşğal etilgen Aluştada yañı yapma gölü — Sonâçnoğirske — 2030 senesine qadar qurulacaq, dep vade ettiler. Buña 12,5 milliard ruble (tahminen 6 milliard ğrıvnâ — muar.) masraf etmege planlaştıralar.

İşğalli Aluşta memuriyetiniñ yolbaşçısı Galina Ogneva bildirdi ki, Körbekül yapma gölü yarıdan az tolu: onda 5,5 million kubometr suv bar, leyha miqdarı ise 13,25 million kubometr. Aynı zamanda, onıñ aytqanına köre, Kutuzovsk yapma gölü, aksine, "suv yedekleriniñ çoqluğını is ete — suv toluvı sebebinden, artıq suvnı muntazam sürette boşatmağa mecbur olalar", şunıñ içün o, Kutuzovsk yapma gölünden Körbekül yapma gölüne suvnı pompalamaq planları aqqında bildirdi. Amma, ne vaqıt ve nasıl amelge keçirilecegini aytmadı.

Hatırlatamız ki, işğal etilgen Aluştada 2025 senesi ilk qış ayınıñ 8-nde Körbekül yapma gölündeki suv seviyesi alçaq olğanı içün suv berilmesi cedveli kirsetildi. Milliy muqavemet merkezi bildirdi ki, bu areketler ağlarda yañı felâketlerge yol aça.

İşğal etilgen Aluştadaki evlerge suv bir qaç saatke berile — "Sarı şerit"

İşğal etilgen Qırımdaki Körbekül yapma gölü, 2025 senesi ilk qış ayı. Патріот Донбасу

Bundan evel Qırımtatar resurs merkeziniñ mütehassısı ve Kıyiv-Moğıla akademiyasınıñ tabiat ilimleri fakultetiniñ dekanı Yevhen Hlobıstov, Körbekül yapma gölüniñ quruv meselesi sistematik bir hususiyetke saip ve iklim deñişmeleri, suv qullanuvınıñ artması ve suv teminatınıñ alternativ menbalarınıñ olmaması ile bağlı olğanını bildirdi.

Onıñ qayd etkenine köre, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) ve Yalta şeerleri suv qıtlığından zarar körmey, Merkeziy ve Şimaliy Qırım ise alâ daa zarar körecek.

"Qırım imtiyazlı ve imtiyazlı olmağan rayonlarğa bölünecek. Arbiy-FSB siyasiy reberligi oturğan yerde suv meselesi olmaycaqtır. Qırımnıñ bütün diger topraqları zarar körecek", — dep mütehassıs qayd etti.

İşğal etilgen Qırımda Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Tayğan yapma gölleriniñ de suv yedekleri tez eksile. Yerli yerşınasnıñ aytqanına köre, işğalciler Şimaliy Qırım kanalını toldurmaq içün Büyük Qarasuv özenine büyük miqdarda suv tökmege başladılar, bu sebepten yapma gölleri yazğa qadar kerginleşe bile.

Читати ще