İşğal etilgen Qırımnıñ Aluşta şeerinde Körbekül yapma gölüniñ alçaq seviyesi sebebinden ilk qış ayınıñ 8-nden suv berüv cedveli qullanılacaq. Şeer sakinlerine suv saat 6:00-dan 10:00-ğace ve 18:00-dan 22:00-gece berilecek.
"Voda Krıma" işğalli Qırım devlet müessisesiniñ matbuat hızmeti bunı bildirdi.
"2025 senesi ilk qış ayınıñ 8-nden başlap, Aluştada kefil etilgen suv berüvi cedvel boyunca olacaq: saat 6:00-dan 10:00-ğace ve saat 18:00-dan 22:00-gece. Suv berilgende, abunecilerge suv qullanuvınıñ ratsional ve iqtisat rejimine riayet etmege rica etemiz", — dep haberde qayd etildi.
İşğalki müessise qoştı ki, suv berüv menbalarınıñ faydalı suv berüviniñ arttırılması taqdirinde suv berüv vaqtı qoşma razılıqsız uzatıla bile.
Hatırlatamız ki, orta küz ayınıñ ortasında Rusiye kontrolindeki Qırım suv hocalığı ve melioratsiya devlet eyyeti, Aluşta ve Şarqiy Qırımnıñ meskün yerlerini temin etken Qırım yapma göllerindeki suv yedekleri 85-90 künge yetecegini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
