İşğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad te) işğalli akimiyet Rusiye Mudafaa nazirliginen bağlı qurulışlar tarafından teşkil etilgen "Aile Şefağı" adlı arbiyleştirilgen oyunını keçire. Ana-babalar, balalarını "aile taqımları" olaraq adlandırılğan taqımlarnı teşkil eterek, mekteplerde keçirilgen toplaşuvlarda iştirak etmeleri içün teşviq eteler.
"Sarı şerit" areketiniñ faalcileri 2026 senesi çiçek ayının 13-nde Telegramda bunı bildirdiler.
"Qırımda "Aile Şefağı" Rusiye oyunını faal sürette teşviq eteler, onı ailelerniñ birleşüvi ve ananeviy qıymetleri altında gizleyler. Hususan Simferopolda (Aqmescitte — terciman) bu teşebbüsni ana-babalarğa ana-babalar toplaşuvlarında faal sürette ilân eteler. Mektepler "aile taqımları"nı teşkil ete, arizalarnı toplay ve kerçekten de iştirak etmege mecbur ete. Oyunğa 11 yaşından başlap balaları olğan qorantalar celp etile, olarnı ordu içün kelecek resurs olaraq azırlaylar, teşkilâtçılar ise Rusiye Mudafaa nazirliginen bağlı qurulışlar, şu cümleden "Vatan imayecileri" fondu" ola, — dep "Sarı Şerit" haber etti.
Hatırlatamız ki, saban ayınıñ 3-nde işğalli Sevastopol (Aqmescit) memuriyeti 28-nci mektep bazasında "Bütünrusiye arbiy-sport oyunı "Şefaq 2.0" keçirilmesi aqqında haber etti. Birinci basamaqta işğalciler 7 yaşından 10 yaşına qadar balalar içün yarışlar teşkil ettiler. Soñra daa büyük balalarnı celp etmege planlaştıra ediler.
"Şefaq 2.0" oyunınıñ maqsadı, iştirakçilerde ortaqlıq duyğusını, öz-özüni terbiyelevni, taqım ve memleket ögünde mesüliyetni inkişaf ettirmek. Yarışlar, taqımnıñ beraber çalışması şahsiy qıyınlıqlarnı yeñip, umumiy maqsatqa irişmege imkân bere, dep köstermek kerek", — dep şeerniñ işğalli memuriyeti bildirdi.
İşğalli Yalta memuriyeti "11-nci mektep-kadet litseyi" bazasında "Şefaq 2.0" arbiyleştirilgen teşviqat oyunınıñ keçirilüvi aqqında da bildirdi. Bu tedbirde 2800 bala iştirak etti, olarnı 43 taqımğa böldiler. Tedbir "Birinciler areketi" teşkilâtı, "BARS-Krım""BARS-Qırım" — 2024 senesi Qırımdaki işğalli akimiyet tarafından teşkil etilgen Rusiyege qoltutqan göñülli arbiy birleşmedir. Ukrayinağa qarşı cenkte cenk areketlerinde iştirak ete göñüllileri ve 6919-ncı Rusiye gvardiyasınıñ arbiy qısmınıñ reberligi altında keçti.
Hatırlatamız ki, işğal etilgen Qırım ve Herson vilâyetinden, em de Rusiyeniñ Moskva, Penza ve Tver şeerlerinden 120 mektep talebesi ve student Bağçasarayda 10 künlik arbiy oquv yurtunı keçti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
