Ukrayinada mahkemege, Qırım işğal etilgen soñ Rusiye iiçün çalışmağa qalğan üç sabıq Qırım prokurorına qarşı qabaatlav aktları yollanıldı. Olarnı devlet hainligiUkrayina CQniñ 111-nci maddesiniñ 1-nci qısmınde qabaatlaylar ve olarğa 15 yılğa qadar apis cezası berile bilir.
Çeçek ayınıñ 10-nda Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeeri prokurorlığı bunı bildirdi.
Prokurorlıq qabaatlanğanlarnıñ adları aytılmadı, lâkin Suspilne Qırımnıñ haberdar olğan menbalarınıñ aytqanına köre, söz Serğiy Polivanov, Oleksiy Rıbkin ve Pleksandr Ğavruk aqqında kete.
Muhtariyet prokurorlığınıñ qayd etkenine köre, olardan ekisi Rusiye Qara deñiz flotunıñ arbiy qısmı prokurorlığınıñ "arbiy prokurorınıñ yardımcısı-prokurorı" oldı. Üçüncisi işğalli Sevastopol (Aqyar) prokurorlığınıñ cinaiy-mahkeme bölüginiñ "baş prokurorı" vazifesini aldı.
"Bu vazifelerde olar istilâcı devletke ve onıñ vekillerine "prokurorlıq organları"nıñ işini temin etmege yardım etip, Qırım yarımadasını işğal etmege yardım ettiler", — dep haberde qayd etildi.
Daa evel ukrayin uquq qorçalayıcıları Rusiye Federatsiyasınıñ Rostov vilâyeti prokurorlığınıñ prokurorına cenk qanunlarını ve adetlerini bozğanında ğıyabiy şekilde şübe ilk kere bildirdiler. O, işğal etilgen Qırım yalısında esir alınğan Ukrayina Mudafaa nazirliginiñ Bİİ askerini "terrorizm" sebebinden cezalamağa talap etti.
Telegram, WhatsApp ve Facebookde Suspilne Qırım haberlerine abune oluñız
