Ukrayina uquq qorçalayıcıları Rusiye Federatsiyasınıñ Rostov vilâyeti prokurorlığınıñ prokurorına ilk sefer ğıyabiy şekilde cenk qanunları ve adetlerini bozğanında şübe bildirdiler. O, işğal etilgen Qırımnıñ yalısında esir alınğan Ukrayina Mudafaa nazirliginiñ Baş istihbarat idaresiniñ askerini "terrorizm" sebebinden cezalamağa talap etti.
Çeçek ayınıñ 6-nda Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeeri prokurorlığı bunı bildirdi.
Tahqiqatnıñ versiyasına köre, 2024 senesi bu prokuror ukrayin tahqiqatçısını qanunsız sürette taqip etti. O, askerge "terrorizm" içün apis müddetini belgilemege talap etti, onıñ cenkçi statusını tamamen körmemezlikke urdı.
Rusiye mahkemecileri qabaatlav tarafınıñ fikrine qol tuttı ve onı yapmağan cinayetleri içün çoq yıllıq apis cezasına mahküm etti, dep qayd ettiler müessisede.
Ukrayina Havfsızlıq hızmetiniñ Qırım Muhtar Cumhuriyetindeki Baş idaresiniñ qayd etkenine köre, söz 2023 senesi orta küz ayında işğal etilgen Qırım yalısında arbiy vazifeni yapqanda esir alınğan Bİİ askeri aqqında kete.
Resmen Rusiye prokurorınıñ adı bildirilmedi, lâkin Suspilne Qırımnıñ haberdar menbaları onıñ adı Petro Karandaşev olğanını bildirdi.
"Şübelengen adam, halqara silâlı zıddiyette iştirak etkeni içün cenk esiriniñ cezalandırılmasını talap etti, bu ise Cenk esirlerine munasebet aqqında şartnameniñ 87, 99, 130-ncı maddelerine ve I Qoşma protokolnıñ 43, 45, 75-nci maddelerine zıt kele ve olarnı qaba şekilde boza", — dep muhtariyet prokurorlığı qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
