Ukrayina mahkemesi işğalli "Qırım Devlet duması"nıñ mebusına 10 yıl apis cezasını berdi. Tahqiqatnıñ malümatına köre, o, Rusiye akimiyetinen faal işbirlikte buluna: "Qırım bugün" teşviqat haber agentliginiñ baş muarriri ve "Qırımnıñ ukrayin cemiyeti" teşkilâtınıñ reisi vazifelerini eda ete edi, soñra ise "Yedinaya Rossiya" firqasından işğalli parlamentniñ "mebusı" oldı.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Uquq qorçalayıcı organlarındaki bir menba anonim şekilde, söz Anastasiya Grıdçına aqqında yürsetkenini Suspilne Qırımğa bildirdi.
"Prokurorlar, 2022-2023 seneleri devamında o, Ukrayinağa qarşı cenkke qol tutqanı içün bir qaç sefer teşviqat media resurslarında çıqışta bulunğanını isbatladılar. Hususan, Rusiye Federatsiyasınıñ istilâsından "eñ müsbet tesiri" aqqında fikirni tarqatqan ve işğal etilgen topraqlarnı "azat etilgen" dep adlandırğan edi. Rusiyenen işbirlikte haber faaliyetini alıp barğan "mebus" Rusiye teşviqatınıñ Ukrayinada "vatandaş cenki" ve "nazist mefküre" aqqında, işğal etilgen topraqlarnıñ sakinleriniñ Rusiye Federatsiyasına qoşulmaq "öz istegi" aqqında tezislerini tekrarladı, em de Rusiye ordusına qol tutmağa çağırdı", — dep haberde aytıla.
Mahkeme oña 10 yıllıq apis cezasını berdi, mal-mülküni ise tevqif etti, em de devlet akimiyeti ve yerli öz-özüni idare etüv organlarında vazifelerni eda etmek aqqından marum etti. O, Rusiye Federatsiyasınıñ Ukrayinağa qarşı silâlı tecavuzını aqlağanında ve duşmannen işbirlik faaliyetinde qabaatlı tanıldı (Ukrayina Ceza qanunnamesiniñ 436-2 maddeleriniñ 3-ünci qısmı, 111-1 maddeleriniñ 6-ncı qısmı).
Anastasiya Grıdçına aqqında ne bilemiz
37 yaşındaki Anastasiya Grıdçına Simferopoldan (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adten) kele.
İşğalli Qırım "parlamenti"ne o, 2023 senesi ilk küz ayında "Yedinaya Rossiya" Rusiye firqasından keçti.
2010 senesi Tavriya gumanitar-ekologik institutını "memleketşınas-halqaraşınas, terciman" mahsuslığınen bitirdi, 2017 senesi — İqtisadiyat ve idare etüv universitetini "iqtisadiyat magistri" mahsuslığınen bitirdi.
2012 senesi Dobrovo köy şurasınıñ mütehassısı vazifesini aldı.
2016 senesinden 2018 senesine qadar — "Spets-Agro" şirketiniñ müdiriniñ muavini edi.
2016 senesinden 2019 senesine qadar — "Yedinaya Rossiya yaş gvardiyası" halqara teşkilâtınıñ Cenübiy topraq bölgesi"niñ apparat yolbaşçısı.
2022 senesinden başlap — "Qırımnıñ ukrayin cemiyeti" CTniñ Şurasınıñ reisi.
2019 senesinden 2023 senesi orta küz ayına qadar — "Qırım bugün" işğalşi haber agentliginiñ baş muarriri.
2023 senesi orta küz ayınıñ 26-dan 2024 senesi ilk küz ayına qadar — "Qırım Devlet şurasınıñ qanun çıqarıcılıq eyyetiniñ reisiniñ muavini".
2024 senesi ilk küz ayından itibaren — "halq diplomatiyası ve bölgelerara munasebetler eyyetiniñ reisi".
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Hatırlatamız ki, daa evel ukrayin mahkemesi işğal etilgen Qırımnıñ 59 yaşındaki teşviqatçısı Sergey Veselovskiyni Rusiye silâlı tecavuzını aqlağanında ğıyabiy şekilde mahküm etti.
2014 senesi işğalcilerge işke keçken "Krım" teleradiokompaniyasınıñ baş prodüserini cenk teşviqatçısı, işğalni aqlama, duşmannen işbirlik etüvde qabaatlap, Ukrayinada da mahküm ettiler. Mahkeme oña 12 yıllıq apis cezasını berdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
