USQniñ İnsansız sistemalar quvetleriniñ komandanı Robert ("Madâr") Brovdi bildirdi ki, saban ayınıñ 10-nda işğal etilgen Qırımdaki "Azovska" neft bazasında "Ptahı Madâra" 414-nci ayrı brigadası avtosaqalarğa ve Canköy neft bazasına ücüm etti.
Saban ayınıñ 11-ndee o, Facebook saifesinde bu aqqında haber berdi.
İSQniñ komandanı işğal etilgen Qırımnıñ Azovske ve Canköy şeerlerindeki eft bazalarınıñ zarar körgenini köstergen video çıqardı.
"Ukrayin istisaliniñ FP-2 middle strike vastalarınen 60-100 kg cenk qısmınen İSQniñ uçucılarınıñ işi. İdare — İSQniñ teren zarar ketirici yañı teşkil etilgen İM", — dep "Madâr" qoştı.
Hatırlatamız ki, saban ayınıñ 10-da aqşam ve 11-de gece işğal etilgen Qırımda Rusiye ava mudafaası çalıştı. Şaatlar patlamalar ve qubbe altındaki radiolokatsiya stantsiyası (RLS) ve "Pantsir-S2" zenit raketa-top kompleksiniñ yerleşkeni Fiolent burnundaki 12-nci zenit-raketa polkunıñ divizionı yanına bir qaç ücüm aqqında bildirdiler.
Daa evel USQniñ StratKomınıñ bildirgenine köre, saban ayınıñ 9-nda gece işğal etilgen Qırımda USQniñ Mudafaa quvetleri AMSnıñ S-300 radiolokatsiya stantsiyasına ücüm etti.
Bundan ğayrı, saban ayınıñ 8-de gece işğal etilgen Qırımda Ukrayina Silâlı quvetleriniñ İnsansız sistemalar quvetleriniñ "Ptahı Madâra" 414-nci ayrı brigadasınıñ "Kayros" 9-ncı batalyonınıñ uçucıları "Nadgrobok" (64N6) yañı radiolokatsiya stantsiyasını (RLS) yoq ettiler.
Bundan evel işğal etilgen Qırımda USQniñ Mahsus operatsiyalar quvetleri dört RLSnı urğanını bildirdi. Hususan, ukrayin arbiy hızmetçileri 5N84A "Oborona-14" RLS, "Nebo-U" RLS ve Yevpatoriyadaki (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) radio şiffaf qubbesindeki eki RLSnı yoq ettiler.
Hatırlatamız ki, Ukrayina Silâlı quvetleriniñ Arbiy-deñiz quvetleriniñ bölükleri mahsus operatsiyalar quvetlerinen işbirlikte bulunıp, işğal etilgen Qırımdaki üç "Pantsir-S1" Rusiye zenit raketa-top kompleksini, 02510 leyhalı "BK-16" tez desant katerini urdı ve "Orion" ücüm-istihbarat dronlarınıñ dört idare stantsiyasını bütünley yoq etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
