Saban ayınıñ 9-nda gece işğal etilgen Qırımnıñ Spokiyne rayonında Ukrayina Silâlı quvetleriniñ mudafaa quvetleri AMSnıñ S-300 Rusiye zenit-raketa kompleksleriniñ (ZRK) radiolokatsiya stantsiyasına ücüm etti.
Saban ayınıñ 9-nda Telegramda USQniñ Baş komandanı Apparatınıñ strategik kommunikatsiyalar idaresi (USQniñ StratKomı) bunı bildirdi.
"Rusiye istilâcısınıñ ücüm potensialını eksiltüv çerçivesinde Ukrayina Mudafaa quvetleriniñ bölükleri saban ayınıñ 8-nde ve 9-na keçer gecesi duşmannıñ ava mudafaası vastalarına — Spokiyne rayonında (VİE Qırım MC) S-300 ZRKniñ radiolokatsiya stantsiyasına, em de Lımançuk rayonında (VİE Luğansk vilâyeti) "Buk-M3" zenit raketa kompleksine zarar ketirdi", — dep haberde qayd etildi.
Bugün de, saban ayınıñ 8-de gece işğal etilgen Qırımda Ukrayina Silâlı quvetleriniñ İnsansız sistemalar quvetleriniñ "Ptahı Madâra" 414-nci ayrı brigadasınıñ "Kayros" 9-ncı batalyonınıñ uçucıları "Nadgrobok" (64N6) yañı radiolokatsiya stantsiyasını (RLS) yoq ettiler.
Bundan evel işğal etilgen Qırımda USQniñ Mahsus operatsiyalar quvetleri dört RLSnı urğanını bildirdi. Hususan, ukrayin arbiy hızmetçileri 5N84A "Oborona-14" RLS, "Nebo-U" RLS ve Yevpatoriyadaki (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) radio şiffaf qubbesindeki eki RLSnı yoq ettiler.
Hatırlatamız ki, Ukrayina Silâlı quvetleriniñ Arbiy-deñiz quvetleriniñ bölükleri mahsus operatsiyalar quvetlerinen işbirlikte bulunıp, işğal etilgen Qırımdaki üç "Pantsir-S1" Rusiye zenit raketa-top kompleksini, 02510 leyhalı "BK-16" tez desant katerini urdı ve "Orion" ücüm-istihbarat dronlarınıñ dört idare stantsiyasını bütünley yoq etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
