İşğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde cep telefonlarınıñ tamir merkezlerini Rusiye quvetçileri ile işbirlik yapmağa mecbur eteler. Olar müşterilerini ukrayin nomeraları olıp-olmağanını teşkermek mecburlar.
Saban ayınıñ 10-nda "Sarı şerit" cemaat areketi öz Facebook saifesinde bu aqqında haber etti.
"Ustalarnı qabul etkende ve hızmet etkende müşterileriniñ telefon kitaplarına baqmağa ve ukrayin nomeralarınen alâqalar olğanını qayd etmege mecbur ettiler", — dep haberde aytıla.
Evel "Sarı şerit" areketi işğal etilgen Qırımda ve Herson vilâyetindeki Geniçeskte yañı sıñırlavlar aqqında haber etti. İş adamları er bir reklama levhasını işğalli memuriyetlernen uyğunlaştırmaq mecburlar. Faalcilerniñ aytqanlarına köre, resmiy izinsiz reklama yasaq etile, bu ise, malümat alanına tam kontrol kirsete.
İşğalli Qırım memuriyeti yarımadanı yüzüni qapatqan cemaat yerlerinde bulunğanlar içün para cezaları kirsetilecek birinci bölge yapmağa teklif ete. Faalcilerniñ qayd etkenlerine köre, keñleştirilgen nezaret kameraları ve teşkerüv sisteması sayesinde yañı usul Qırım sakinlerini nezaret etmek içün daa bir alet ola bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
