"Sarı şerit" areketi işğal etilgen Qırımda ve Herson vilâyetiniñ Geniçesk şeerinde reklama yerleştirilüvi üzerinde nezaretniñ kirsetilüvi aqqında bildire. Faalcilerniñ aytqanına köre, işğalli memuriyetler iş adamlarını er bir levhanı tasdıqlamağa mecbur ete.
Areket Telegramda bunı bildirdi.
"Billboard, LED ekranları ya da şeer lehvalarına malümatnı yerleştirmege istegen iş adamlarından er bir levhanı uyğunlaştırmağa talap eteler: eskizlerni, tam metinlerni, renklerni ve şriftlerni bermege. Resmiy izin almadan şeer içinde reklama qoymaq yasaq etile", — dep haberde aytıla.
Hatırlatamız ki, #LiberateCrimea halqara kampaniyasınıñ faalcisi "Qırım.Aqiqat"qa bergen izaatında işğal etilgen Qırımda Rusiyeniñ insansız sistemalar ordusına hızmet etmek içün añlaşmacılarnı celp etmek içün faal reklama kampaniyası başlatılğanını bildirdi. Reklama levhalarında bu ordularğa "yañı, deñiştirilmezler" deyler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
