Qırımnıñ işğalci memuriyeti yarımadanı cemaat yerlerinde yüzüni qapatqanlar içün para cezalarınıñ yañı qaidesi işke tüşürilecek ilk region olaraq ilân etmege teklif etti.
"Sarı şerit" areketiniñ faalleri bu aqqında bildire.
Areket iştirakçileri qayd eteler ki, Rusiye Devlet dumasına kirsetilgen qanun leyhası aqqında söz yürsetile, o, şahsiyetni belgilemege imkân bermeycek yüzlernen umumiy qullanuv yerlerinde peyda olğanlar içün memuriy mesüliyetke çekilmesini közde tuta. Qanun bozuvları içün 10 biñden 15 biñ rublege (5-8 biñ hrivna) qadar para cezasını teklif eteler, tekrar bozuvlar içün ise — 30 biñge (15 biñ hrivna) qadar.
Faallerniñ malümatına köre, bu ameliyatnı amelge keçirmek içün Aqyar (SevastopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) birinci region ola bile. Anda endi tışqı nezaret ve video nezareti sisteması çalışmaqta, olarnıñ fikirince, bu yañı cezalarnı tez qullanmağa imkân berecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
