Bu afta işğal etilgen Sevastopoldan (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addan) İskenderun limanına (Türkiye) "MYS ZHELANIYA" quru yük gemisi yol aldı, gemide 15 biñ tonna boğday bar.
Facebookta "Barıştırıcı" Merkeziniñ SeaKrime leyhasınıñ jurnalisti Katerına Yaresko bu aqqında yazdı.
"MYS ZHELANIYA quru yük gemisi (IMO: 9366110) işğal etilgen Sevastopolda (Aqyarda — terciman) 22.02-03.03 künleri 15088 tonna boğdaynı yükledi ve İskenderunğa kete. İhracatçı: "PARTNÖRSTVO" OOO (INN: 2311288071) "Avlita" ububat terminalınıñ yüklenüvi 44.6248, 33.5521 yerlerinde yapılğan uydu resimlerinde qayd etildi. Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki — terciman) Olençuk soqağı, 52-nci ev adresinde bulunğan "TSOK APK" devlet FGBU laboratoriyası fumigatsiyanı keçirdi. Qırım laboratoriyasınıñ saytında qayd etilgenine köre, o, GAFTA Halqara ububat ve yem ticareti assotsiatsiyasınıñ tasdıqlanğan statusına saiptir", — dep haberde qayd etildi.
Ukrayina cenk istihbaratınıñ malümatına köre, "MYS ZHELANIYA" gemisi işğal etilgen Qırım limanlarına daa kirmegen edi.
O, Rusiyeniñ Arktika ve şimaliy bölgelerinde Rusiye Federatsiyasınıñ energetik obyektleriniñ amelge keçirilmesi içün çalışqan "Transstroy" Rusiye qurucılıq şirketine ait.
"Müşterileri arasında — "Lukoil" PAT, "Novatek" PAT, "Severalmaz" PAT, "Alrosa" PAT, "Rosatom" PAT AK devlet korporatsiyası, "Rosgeologiya" AT, "Ekspeditsiya No2", "Sovfraht" AT ve digerleri. Bundan ğayrı, gemi Rusiyeniñ sanktsiya astında bulunğan "Eko Şipping" şirketinen bağlı, şu cümleden "Novatek" şirketiniñ "Arktik LNG-2" leyhası içün o, Rusiyeniñ Arktik zonasında astyapı obyektleriniñ qurucılığınen bağlı gemi ve suv taşımalarını kerçekleştire", — dep war&sanctions saytında yazıldı.
2024 senesi mayıs ayında AQŞ, Arktika yalılarınıñ sanayı inkişafınen oğraşqan Rusiye şirketleri tarafından faal qullanılğan "Transstroy" şirketiniñ gemilerine qarşı sanktsiyalar kirsetti.
Hatırlatamız ki, tış istihbarat hızmetiniñ malümatına köre, Rusiye Federatsiyası vaqtınca işğal etilgen Ukrayina topraqlarında yetişken aşayt mahsulatını muntazam sürette çıqara ve olarnı tış bazarlarda Rusiye ihracatı adı altında sata. Bu maqsatnen Rusiye işğal etilgen Azaq ve Qara deñiz limanlarınıñ, hususan Sevastopol (Aqyar) deñiz limanınıñ astyapısını qullana. 2025 senesi devamında Ukrayina VİETdan 2 million tonnadan ziyade ububat mahsulatı çıqarıldı. Esas miqdarı ise, tahminen 1,4 million tonna, ekinci yarım yılğa tüşti.
Keçenlerde "KAPITAN YAKOVLEV" sanktsiyalarğa oğrağan quru yük gemisi Sevastopol (Aqyar) limanında hırsızlanğan boğdaynı yüklep, Qıbrızğa yol aldı. Bu dört biñ tonnadan ziyade ububat edi
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
