"KAPITAN YAKOVLEV" sanktsiya altındaki quru yük taşıyıcısı, hırsızlanğan boğdaynı Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) limanında alıp, Qıbrızğa yol aldı. 4 biñ tonnadan ziyade ububat aqqında söz yürsetile.
"Barıştırıcı" Merkeziniñ SeaKrime leyhasınıñ jurnalisti Katerına Yaresko Facebookta bu aqqında yazdı.
"KAPİTAN YAKOVLEV (IMO: 9077575) Famagustağa (Türkiye nezaretindeki Şimaliy Qıbrıznıñ qapatılğan limanı — muar.) işğal etilgen Sevastopolda (Aqyarda — terciman) yüklengen 4078,5 tonna boğdaynen kete. Gemi Qamış körfezinde 15.01-13.02.2026 künleri edi, başta Eregliden yük alındı, soñra ise buğday yüklendi", — dep Yaresko yazdı.
Ukrayina istihbaratınıñ malümatına köre, "KAPITAN YAKOVLEV" quru yük taşıyıcısı Ukrayinanıñ topraq damartılarından ukrayin ububatınıñ hırsızlanmasında muntazam sürette iştirak ete.
"2025 senesi mayıs ayında Kapitan V. P. Çernayevniñ kapitanlığı altındaki gemi Zaporijjâ vilâyetiniñ vaqtınca işğal etilgen Berdânsk limanından boğday alıp ketti. 2024 senesi ilk qış ayında Novskiy Vadimniñ yolbaşçılığındaki gemi vaqtınca işğal etilgen Zaporijjâ vilâyetiniñ Berdânsk limanından Rusiyeniñ Temrük limanına aman-aman 4 biñ tonna boğday alıp ketti. Bundan ğayrı, gemi Ukrayinağa, hususan vaqtınca işğal etilgen Sevastopol (Aqyar — terciman) limanına mahsulat ketire", — dep Bİİ bildirdi.
2025 senesi qara qış ayında gemi Sevastopol körfezinde tamir etilgen edi, amma 2025 senesi mayıs ayında "Mariupol" limanından "Famagusta" limanına (Türkiye nezaretindeki Şimaliy Qıbrız) ububatnen sefer yaptı.
2025 senesi boş aynıñ 25-nde Ukrayina "KAPITAN YAKOVLEV" gemisine qarşı sanktsiyalar kirsetti.
Hatırlatamız ki, Tış istihbarat hızmetiniñ malümatına köre, Rusiye Federatsiyası vaqtınca işğal etilgen Ukrayina topraqlarında yetişken ububat mahsulatını muntazam sürette çıqara ve olarnı tış bazarlarda Rusiye ihracatı adı altında sata. Bu maqsat ile Rusiye işğal etilgen Azaq ve Qara deñiz limanlarınıñ, hususan Sevastopol (Aqyar) deñiz limanınıñ astyapısını qullana. 2025 senesi devamında Ukrayinanıñ VİETdan 2 million tonnadan ziyade ububat çıqarıldı. Esas miqdarı ise, yılnıñ ekinci yarısında — tahminen 1,4 million tonna oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
