İşğalciler 49 yaşındaki Qırım sakinini Telegramdaki tefsir içün qanunsız "mahküm ettiler". İşğalli quvetçiler onı "aşırıcılıq"ta qabaatladılar, onıñ "ruslarnı öldürmege çağırğanı"nı bildirdiler.
İşğalli Qırım FSB haberine atfı etip, RİA "Novosti Krım" bu aqında yazdı.
"Taqiqat, 1977 senesi doğma aqaynıñ Telegramdaki şahsiy saifesinde, rusiyelilerge qarşı zorbalıq çağıruvları olğan tefsirlerni açıq şekilde yerleştirgenini tasdıqladı. Erkekniñ qanunsız areketlerini Qırım Cumhuriyetindeki FSB Sıñır idaresiniñ hadimleri toqtattı. FSB taqiqat bölügi tarafından qayd etilgen vatandaşqa qarşı "Aşırıcılıq faaliyetini kerçekleştirmek içün açıq çağıruvlar" maddesine köre cinaiy dava açıldı ve tahqiq etildi", — dep haberde qayd etildi.
Hatırlatamız ki, işğalciler Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ 54 yaşındaki sakini qanunsız şekilde mahkeme etmege planlaştıralar. Onı, işğalli tahqiqatnıñ versiyasına köre, "ruslarnı öldürmege çağırğan" Telegramdaki tefsirleri içün cinaiy mesüliyetke çekmege isteyler.
Bundan evel Suspilne Qırım işğalcilerniñ aşırıcılıqnen küreş adı altında işğal etilgen yarımadada fikir farqlılığını yoq etkenleri aqqında tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
