İşğalciler Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ 54 yaşındaki sakini qanunsız sürette mahkeme etilecek, dep planlaştıralar. Onı, işğalcl tahqiqatnıñ versiyasına köre, "ruslarnı öldürmege çağırğan" Telegramdaki tefsirleri içün cinaiy mesüliyetke çekmege isteyler.
TASS Rusiye devlet agentligi, Qırım FSBsiniñ matbuat hızmetine atfı etip, bunı bildirdi.
"Adamğa qarşı Rusiye Federatsiyası Ceza qanunnamesiniñ 280 maddesiniñ 2-nci qısmıİnternet vastasınen yapılğan aşırıcı faaliyetke açıq çağıruvlarna köre cinaiy dava açıldı. Belli olğanı kibi, 54 yaşında adam Telegram messenceriniñ ukrayin subetlerinde faal iştirak ete edi. Muzakereler vaqtında vatandaş, ruslarnı öldürmege faal surette çağıra edi ve qabaatlavlarğa toqunmadı. Lâkin sahte ad qullanuvı uquq ceetinden mesüliyetke çekilmege yardım etmedi", — dep haberde qayd etildi.
"Madde" cezası beş yılğa qadar azatlıqtan marum etüv cezasını közde tuta. Şimdi oña çıqmaması ve özüni yahşı alıp barması içün bir tedbir alındı.
RİA ''Novosti Krım''nıñ Telegramında derc etigeni videoda quvetçilerniñ gece bir adamnıñ evine kirip, yüzüni yerge qoyğanları kösterile.
Daa evel Suspilne Qırım Qırımda aşırıcılıq aqqında davalar uydurılğanını tarif etken edi. Jurnalistler, Qırım advokatı ve "E Merkezi" vekilleri tarafından tutulğan qırımlı qadınnen anonimlik şartlarında subetleşip, işğalcilerniñ aşırıcılıq ile küreş adı altında işğal etilgen yarımadada fikir farqlılığını yoq etkenlerini ögrendiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
