Ukrayina prezidenti Volodımır Zelenskıy işğal etilgen Qırımnıñ müzey ve qoruqlarından medeniy degerliklerniñ hırsızlanmasında iştirak etken 15 Rusiye teşkilâtı ve işğalli memuriyet organlarına qarşı sanktsiyalarnı kirsetti.
161/2026 nomeralı mütenasip ferman Prezident ofisiniñ saytında derc etildi.
Olarnıñ arasında:
- İşğalli Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) devlet arhivleri;
- Qırım arhiv işleri "devlet eyyeti";
- "Bağçasaray tarihiy-medeniy ve arheologik müzey-qoruğı";
- "Rusiye arbiy-tarihiy cemiyetleri" Bütünrusiye cemaat-devlet teşkilâtı"nıñ Sevastopoldaki (Aqyardaki), em de Qırımdaki bölügi,.
2025 senesi ilk qış ayınıñ soñunda işğalciler Bağçasaraydaki Hansaraynıñ "restavratsiyası"nı 2027 senesi ilk qış ayında bitirmege planlaştırğanlarını bildirdiler.
2026 senesiniñ küzünde işğalciler Sevastopolda (Aqyarda) "Hersones" müzey-qoruğında Rusiye tarafından qanunsız şekilde Qırımdan alınğan 300 biñ artefaktnı taqdim etecek sergi açmağa planlaştıralar. Eserlerni yalıñız evelden qayd etilgende ve pasportnen baqmaq mümkün.
Ukrayina istihbaratınıñ malümatına köre, işğal etilgen Ukrayina topraqlarından Rusiye strukturaları eñ az 178 medeniy qıymetini alıp ketti. Olarnıñ arasında işğal etilgen yarımadada qazılğan 140-tan ziyade artefakt ve ''Kamyana Moğıla'' müzeyinden Hersoneske ketirilgen 37 eksponat.
Milliy muqavemet merkezi (MMM) qayd ete ki, işğalciler Sevastopoldaki (Aqyardaki) "Hersones" qoruğını qanunsız kâr menbasına çevirdiler. Merkezniñ malümatına köre, Hersoneste qanunsız qazma işleri alıp barıla: Rusiye quvetçileri "qara arheologlar"ğa tapılğan artefaktlarnı alıp ketmege ruhset bereler. Ödeme yapmağa istemegenler cezalana. Rusiye arheologları Qırımnıñ medeniy mirasını nasıl zapt etkeni ve onı nasıl teşviqat aletine çevirgeni aqqında Suspilne Qırımnıñ maqalesinde oquñız.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
