Grumant balkeri (IMO:9385879) Rusiye bayrağı altında işğal etilgen Qırımnıñ Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinden hırsızlanğan ukrayin ububatınen Türkiyedeki İskenderun limanına yol ala.
Kiçik aynıñ 22-nde "Barıştırıcı" Merkeziniñ SeaKrime leyhasınıñ jurnalisti Katerına Yaresko Facebook saifesinde bunı bildirdi.
Gemi Feodosiya (Kefe) limanından çıqmazdan evel, kiçik aynıñ 19-nda fotoğa çekildi. O, AİSAvtomatik identifikatsiya sistemasıni söndürmedi.
"Geminiñ enişini işğal etilgen Fedosiyağa kelgen soñ, 07.02 künü yapılğan fotoresimnen teñeştirmek mümkün. Bütün bu vaqıt devamında GRUMANT liman yanında tura edi, bu uydu resimlerinde körüne, 45.029, 35.388. Böylece, Türkiye işğal etilgen Ukrayina topraqlarından hırsızlanğan ububatnı kene qabul ete", — dep qayd etti o.
Hatırlatamız ki, kiçik ayda işğal etilgen Sevastopoldan (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addan) 4 biñ tonnadan ziyade hırsızlanğan boğdaynen quru yük taşıyıcı yollanıldı. "Barıştırıcı" Merkeziniñ SeaKrime leyhasınıñ jurnalisti Katerına Yareskonıñ kiçik aynıñ 17-nde bildirgenine köre, gemi Famagustağa (Türkiye kontrolindeki Şimaliy Qıbrıznıñ qapalı limanı) yol ala.
Kiik aynıñ 5-nde Yaresko işğal etilgen Sevastopol (Aqyar) limanına hırsızlanğan ukrayin ububatını yüklemek içün nevbetteki Rusiye balkeri kirgenini tasdıqladı.
Bundan evel eki gemi işğal etilgen Sevastopolnıñ (Aqyarnıñ) "Avlita" terminalında ukrayin ububatını yükley edi. Hususan, LAMAR S balkeri (IMO: 9154505) qara qış ayınıñ 30-nda 40 biñ tonna boğdaynı yükledi. ABniñ sanktsiyaları altında bulunğan IRTYSH gemisi 32 biñ tonnadan ziyade yükledi.
ZAFAR balkeri 2025 senesi ilk küz ayınıñ 21-28 künleri işğal etilgen Sevastopolda (Aqyarda) "Avlita" ububat terminalına tahminen 30 biñ tonna ukrayin boğdayını yükledi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
