Balker LAMAR S (IMO: 9154505) 2026 senesi qara qış ayınıñ 30-nda işğal etilgen Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) Avlita terminalında 40 biñ tonna boğdaynı yükledi. Gemi İskenderun (Türkiye) limanını qayd ete.
Facebookta "SeaKrime" leyhasınıñ jurnalisti Katerina Yaresko bu aqqında haber etti.
"LAMAR S (IMO: 9154505, Saint Kitts ve Nevis bayrağı) "Avlita"da işğal etilgen Aqyarda (Sevastopolda) 30 qara qış ayı 2026 senesi yüklendi. Eksportçı — "Miroport", — dep aytıla haberde.
Bundan da ğayrı, salı künü, kiçik ay 3-te, Yaresko bildirgenine köre, qara qış ayı 30-da "Avlita"da 32 850 tonna aşlıq IRTYSH gemisi tarafından yüklendi. Gemi Djibuti Cumhuriyetine (Afrika) yol ala.
"War & Sanctions" Bİİ portalınıñ malümatına köre, IRTYSH Rusiye bayrağı altında yüre.
"Tanker "Eneya" Rusiye şirketinen bağlı (IPN 6164136080). "Eneya" şirketi sanktsiya altında bulunğan Jamaldin Paşayevnen bağlı ve Rusiye Federatsiyası Mudafaa nazirliginiñ menfaatları içün Suriyege, hususan aviatsiya yaqarlığı ile gizli teminlevlerde iştirak ete", — dep menba yaza.
Balker Avropa Birligi, Büyük Britaniya ve İsviçre tarafından sanktsiyalar altında buluna.
Hatırlatamız, kiçik aynıñ 5-nde Yaresko işğal etilgen Aqyarnıñ limanına hırsızlanğan ukrayin malını yüklemek içün nevbetteki Rusiye balkeri kirgenini tasdıqladı. Bundan evel "Qırım veter" resursı geminiñ batqanı aqqında haber etken edi.
Umumen "War & Sanctions" portalında Rusiye Federatsiyasınıñ "göñülli flotuna" celp etilgen 1306 deñiz gemisi aqqında malümat bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
