2025 senesi ilk küz ayınıñ 21-28 künleri ZAFAR balkeri işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) "Avlita" ububat terminalına tahminen 30 biñ tonna ukrayin boğdayını yükledi.
"Mırotvorets" merkeziniñ SeaKrime leyhasınıñ jurnalisti Katerına Yaresko bunı bildirdi.
Onıñ malümatına köre, gemi oraq ayınıñ 26-nda Mısırnıñ İskenderiyesinden Qara deñizge keldi, bundan soñ eki ay devamında çalışmadı. Şimdi o, AIS söndürilgen alda 55 kün devamında çalışa. Jurnalistniñ qayd etkenine köre, böyle bir şey adiy ola: Qırım yanında aynı vaqıtta yüklemege nevbet beklegen bir qaç gemi tura. Onıñ qayd etkenine köre, böyle bir shema iqtisadiy ceetten elverişli degil, onıñ içün diger faktorlar bar.
"Qırım yeli" monitoring gruppası Yalta körfezinde tek bir balker qalğanını bildirdi. Keçken aftanıñ soñunda anda üç gemi bar edi, olardan biri Sevastopolğa (Aqyarğa) boğdaynı yükley edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
