İşğalciler, Keriçte yaşağan "Yehova şaatı" Vitaliy Burıknı "aşırıcı teşkilâtnıñ faaliyetini teşkil etüv"de qabaatlap, altı yılğa apishanege qapattılar.
"Qırım uquq qorçalayıcı gruppası" bunı bildirdi.
"QUQGnıñ haber etkenine köre, 2024 senesi orta küz ayınıñ 9-nda saba işğalciler Keriçte "Yehova şaatları"nıñ eñ az 10 adresini tinttiler. 53 yaşındaki Vitaliy Burıknı iş yerinde, qazanhanede tuttılar. Burıkqa qarşı "aşırıcı teşkilâtnıñ faaliyetini teşkil etkeni" içün cinaiy dava açıldı. O, eki kün VTİvaqtınca tutuluv izolâtorıda tutuldı, soñra ev apsine alındı", — dep haberde qayd etildi.
Hatırlatamız ki, 2025 senesi boş ayğa qadar işğal etilgen Qırımda 33 kişi "Yehova şaatları" davası boyunca taqip etilgen edi.
2017 senesi çeçek ayında Rusiye Yuqarı mahkemesi "Rusiyedeki Yehova Şaatlatı idare merkezi"ni aşırıcı teşkilât olaraq tanıdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
