İşğal etilgen Qırımda 33 insan "Yehova şaatları" davası boyunca taqip etile. 2017 senesi çiçek ayında Rusiye Yuqarı mahkemesi "Rusiyedeki Yehova Şaatları idare merkezi"ni aşırıcı teşkilât olaraq tanıdı.
"Qırımtatar resurs merkezi" bunı bildirdi.
QRMniñ yazğanına köre, 2022 senesi Avropa insan aqları mahkemesi Rusiyeniñ "Yehova şaatları" teşkilâtını yasaq etmesini ve onıñ vekillerini taqip etmesini qanunsız dep tanıdı.
"Mahkeme Rusiye Federatsiyasına devam etken cinaiy davalarnı toqtatmağa ve mabüslerni azat etmege avale etti. Bundan ğayrı, Rusiye zapt etilgen mülkni qaytarmalı ya da 59,6 million yevrodan ziyade tazminat ödemek kerek. Avropa mahkemesiniñ qararına baqmadan, işğal etilgen Qırımda "Yehova şaatları davası" mabüsleriniñ qanunsız taqip etilüvi devam ete, bu ise işğalli Rusiye akimiyetiniñ diniy cemiyetlerge qarşı repressiyalarınıñ sistematik hususiyetini tasdıqlay", — dep haberde qayd etildi.
19 insan sıñırlav altında buluna:
- Bartseva Tamara
- Burık Vitaliy
- Voronçıhın Oleksand
- Demıdoma Katerına
- Yefanov İvan
- Jıltsov Petro
- Zaharevıç Dmıtro
- Zinçenko Maksim
- Kopılets Oleksandr
- Kostenko Oleksandr
- Kuzö Darya
- Kuzö Taras
- Lülin Serğiy
- Lâh Mark
- Mamedov Saleh
- Manukân Tadevos
- Manâ Viktor
- Çortov Volodımır
- Şabliy Artem
Müstemlekelerde 14 kişi buluna:
- Ğerasımov Artem
- Ğerayşenko Yuriy
- Dubovenko Oleksandr
- Jığalov Serğiy
- Jukov Yevğen
- Kudinov Viktor
- Lıtvınük Oleksandr
- Maladıka Volodımır
- Parfenovıç Serğiy
- Sakada Volodımır
- Staşevskıy Viktor
- Ursu Viktor
- Filatov Serğiy
- Şmidt İğor
İşğal etilgen Qırımda Rusiye kontrolindeki Razdolnensk rayon mahkemesiniñ mahkemecisi Mariya Bedritskaya 2025 senesi orta küz ayınıñ 17-nde Razdolnensk köyüniñ 70 yaşında sakini Tamara Brattsevağa üküm çıqardı.
O, "aşırıcı teşkilâtınıñ faaliyetini teşkil etüv"de qabaatlandı. Oña 6 yıl ve 3 ay şartlı apis cezası berildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
