İşğal etilgen Qırımğa ve ondan ketken 14 tren kiçik aynıñ 16-ncı aqşamından kiçik aynıñ 17-nci saba qadar devam etken ava telükesi sebebinden "Qırım köprü"niñ areketiniñ qapatıluvı neticesinde keçiktirildi.
"Grand Service Express" Rusiye naqliyat şirketi bunı bildirdi.
Qırımğa altı tren keçiktirildi, olarnıñ bazıları kiçik aynıñ 15-nde yolğa çıqtı. Yarımadanıñ yoluna sekiz tren kele. 7-9 buçuq saatke qadar bekletildi. Adler — Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) treni Adler stantsiyasından kiçik aynıñ 17-de saat 19:00-dan evel çıqmaycaq.
Kiçik aynıñ 16 künü saat 16:40-dan itibaren qanunsız köpürden areket qapatıldı. "Qırım köprü"nde avtomobil naqliyatınıñ areketi kiçik aynıñ 17-nde saba saat 9-da ğayrıdan tiklendi.
Hatırlatamız ki, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) telüke kiçik aynıñ 16-ncı künü saat 21:09-dan kiçik aynıñ 17-nci künü saat 4:36-ğa (Kıyiv vaqtına köre — muar.) qadar devam etti. İşğalli Sevastopol (Aqyar) gubernatorı Mihail Razvzayev evlerge zarar ketirilgeni aqqında bildirdi. Gogol soqağında ise, onıñ aytqanına köre, urulğan UUAniñ arbiy qısmı tüşti ve azbarlardan birinde patladı.
USQniñ Baş ştabınıñ malümatına köre, kiçik aynıñ 17-ne keçer gecesi işğal etilgen Qırımda ukrayin arbiy hızmetçileri Qamışlı mesken yerinde Ka-27 çoq vazifeli vertolötını urdılar.
Bundan ğayrı, kiçik aynıñ 17-nde Ukrayina Silâlı quvetleriniñ mahsus operatsiyalar quvetleri "İskander" operativ-taktik raketa kompleksiniñ saqlanuv yeri zarar körgenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
