Ukrayina Silâlı quvetleriniñ Mahsus operatsiyalar quvetleriniñ (MOQ) malümatına köre, işğal etilgen Qırımnıñ Pasiçne köyünde (Biloğirsk rayonı) ukrayin arbiy hızmetçileri "İskander" operativ-taktik raketa kompleksiniñ saqlanuv yerine ücüm ettiler.
USQniñ MOQniñ komandanlığı Facebookta bu aqqında haber etti.
"Ücüm yerinde küçlü patlavlar qayd etildi. Kiçik aynıñ 9-14 künleri MOQniñ bölükleri Ukrayinanıñ VİETında yerleşken umumen duşmannıñ 10-dan ziyade arbiy obyektine muvafaqiyetnen ücüm etti. Hususan, şahsiy erkân toplaşqan yerler, silâ ve yaqarlıq-yağ yedekleriniñ anbarları, arbiy maşinalarnıñ turaq yerleri ve diger obyektler aqqında söz yürsetile", — dep USQniñ MOQ bildirdi.
Hatırlatamız ki, Baş istihbarat idaresi keçken afta Qırımdaki ücümler videosını aydınlattı. Ukrayina Mudafaa nazirliginiñ Bİİniñ "Prımarı" mahsus bölüginiñ mütehassısları işğalcilerniñ "Pantsir" zenit raketa-top kompleksini, radarı ve desant katerini urdılar.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
