Ukrayina Silâlı quvetleriniñ Baş ştabınıñ malümatına köre, kiçik aynıñ 17-nde gece işğal etilgen Qırımda ukrain arbiy hızmetçileri Bağçasaray rayonınıñ Qamışlı mesken yerinde Ka-27 çoq vazifeli vertolötını urdılar.
USQniñ Baş ştabı Facebookta bunı bildirdi.
"Kiçik aynıñ 17-nde gece işğal etilgen Qırımnıñ Qamışlı meskün yeri rayonında ukrayin arbiy hızmetçileri Ka-27 çoq vazifeli vertolötını urdılar. Maqsatqa muvafaqiyetli ücüm qayd etildi", — dep haberde bildirildi.
Hatırlatamız ki, işğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı kiçik aynıñ 17-nde gece eñ uzun vaqıt devamında etilgen dron ücümlerinden biri aqqında bildirdi. Onıñ aytqanına köre, evler, gaz boruları, yaralanğan bala zarar kördi. Qırım köprü 16 saatten ziyade qapalı edi.
İşğal etilgen Sevastopolda (Aqyarda) telüke kiçik aynıñ 16-da saat 21:09 kiçik aynıñ 17-de saat 4:36-ğa qadar (Kıyiv vaqtına köre — muar.) devam etti.
O, Sevastopolda (Aqyarda) evlerniñ zarar körgenini de bildirdi. Gogol soqağında ise, onıñ aytqanına köre, urulğan UUAniñ arbiy qısmı tüşti ve azbarlardan birinde patladı. Çeşit-türlü yerlerde bir sıra viraneler qayd etildi, gaz borusı bozulğan.
"Qırım yeli" monitoring Telegram kanalınıñ malümatına köre, Sevastopolnıñ (Aqyarnıñ) Gogol soqağı 37 adresinde RF Qara deñiz flotunıñ ştabı yerleşe.
RF Mudafaa nazirliginiñ malümatına köre, bu gece işğal etilgen Qırım üzerinde Rusiye ordusı 38 dronnı urdı, 50 — Qara deñiz üzerinde ve 29 — Azaq deñizi üzerinde.
"Qırım yeli" monitoring Telegram kanalınıñ malümatına köre, işğal etilgen Qırımda Sevastopoldan (Aqyardan) ğayrı, patlavlar Keriçte, "Qaçı" ve "Belbek" ava limanlarında, Canköy rayonında, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Novofedrovikta ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde oldı.
Bundan ğayrı, USQniñ Mahsus operatsiyalar quvetleri kiçik aynıñ 17-nde ''İskender'' operativ-taktik raketa kompleksiniñ saqlanğanı yerge ücüm etkenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
