Vaqtınca işğal etilgen Qırımnıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında "Nebo-U" 55J6U radiolokatsiya stantsiyasına ücüm etildi.
USQniñ Baş ştabı bu aqqında haber etti.
Baş ştab qayd etti ki, kiçik aynıñ 13-ne keçer gecesi Ukrayina Mudafaa quvetleriniñ bölükleri vaqtınca işğal etilgen Ukrayina topraqlarında Rusiye Federatsiyasınıñ bir qaç müim obyektine zarar ketirdi.
Şu cümleden, Zaporijjâ vilâyetiniñ vaqtınca işğal etilgen toprağında duşmannıñ canlı quvetleriniñ toplaşuvları ve UUAniñ operatorlarınıñ yerleşüv noqtaları zarar kördi. Donetsk vilâyetiniñ vaqtınca işğal etilgen toprağında, Selidovo mesken yeri civarında, Rusiye Federatsiyasınıñ maddiy-tehnikiy vastalarınıñ terkibine ücüm etildi.
Hatırlatamız ki, İSQ Rusiye arbiy hızmetçileriniñ vaqtınca işğal etilgen topraqlardaki bir qaç obyektini yoq etti. O cümleden, kiçik aynıñ 12-nde ukrayin arbiy hızmetçileri Qırımdaki "Ğvardiyskıy" arbiy ava limanına ücüm ettiler.
Kiçik aynıñ 11-ne keçer gecesi Qırımnıñ Lobanovo mesken yeri civarında Rusiye ordusınıñ yaqarlıq-yağ malzemeleri anbarına ücüm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
