İnsansız sistemalar quvetleri Rusiye arbiy hızmetçileriniñ vaqtınca işğal etilgen topraqlardaki bir qaç obyektine urdı. Şu cümleden, ukrayin arbiy hızmetçileri Qırımdaki "Ğvardiyskıy" arbiy ava limanına ücüm ettiler.
İSQ öz Facebook saifesinde bunı bildirdi.
"Kiçik aynıñ 12-nde İSQniñ 1-inci ayrı merkeziniñ operatorları middle strike vastalarınen bir qaç obyektni urdılar: işğal etilgen Luğansktaki "Kirova" elektrik stantsiyasını; Rusiye Federatsiyası tarafından işğal etilgen Qırımda "Ğvardiyskıy" arbiy ava limanını; Prımorsktaki malümat merkezini", — dep haberde qayd etildi.
Evel USQniñ Baş ştabı bildirdi ki, Ukrayina mudafaa quvetleri qara qış ayınıñ 8-ne keçer gecesi işğal etilgen Qırımdaki "Ğvardiyske" neft bazasınıñ tolduruv eskadrasında yaqarlıqnı taşığan naqliyatqa urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
