Rusiye ordusınıñ vaqtınca işğal etilgen Qırımnıñ Lobanove meskün yeri rayonındaki yaqarlıq-yağ malzemeleri yedegine ücüm etildi.
USQniñ Baş ştabı bu aqqında haber berdi.
Bundan ğayrı, Baş ştab bildirdi ki, Ukrayina Mudafaa quvetleri RFnıñ ücüm qabiliyetlerini eksiltken muntazam tedbirlerni alıp barmağa devam ete. Şu cümleden, 2026 senesi kiçik aynıñ 11-nci geces RFnıñ Volgograd şeerinde bulunğan ve rusiye ordusınıñ teminatında rol oynağan neft yañıdan çıqarıcı zavodına ücüm etildi.
Duşmannıñ Zaporijjâ vilâyetiniñ işğal etilgen topraqlarındaki malzeme-tehnika teminatı yedegine ücüm etildi. Bundan ğayrı, Ğulâypole rayonında ukrayin arbiy hızmetçileri "Rubikon" merkeziniñ yedeginden bölükniñ canlılarına ücüm ettiler. Donetsk vilâyetiniñ VİETda, Tretâkı meksen yeri rayonında, "Osa" zenit-raketa kompleksine ücüm etildi. Bundan da ğayrı, Herson vilâyetiniñ vaqtınca işğal etilgen topraqlarında, Voskresenske rayonında, ukrayin quvetleri "Tor" rusiye zenit-raketa kompleksine ücüm ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
