İşğal etilgen Aluştada tek loqsahane qapatıla. Qırımnıñ Rusiye nezareti altında olğan ''akimiyeti'' bunı şeerde doğuvlarnıñ eksilmesi ve hadinlerniñ yetmemesinen añlata.
''Novosti Krıma'' işğalli agentligi bu aqqında haber etti.
"Aluştada Qırım Cumhuriyeti sağlıq naziriniñ muavini Anton Lâskovskıynıñ iştirakinen kenişletilgen tögerek masa toplaşuvı olıp keçti. Muzakereniñ esas mevzularından biri şeerde ebanaylıq-ginekologik yardımnı teşkil etmek oldı. Toplaşuvnıñ neticesinde Lâskovskıy bu loqsahaneniñ çalışmaycağını bildirdi şeer içün yıllar devamında çezilmegen meselede soñ noqta qoludı. Qararnı aqlap, memur Aluştada doğuvlarnıñ sayısı yılda 500-den eksik olğanını qayd etti, bu ise loqsahaneniñ tolusınen çalışması içün yeterli degil. Daa bir faktor, o, ihtisaslı tibbiy hadimlerniñ, hususan neonatologlarnıñ eksikligini bildirdi, olarsız loqsahaneniñ havfsız çalışmasını temin etmek mümkün degil'', — dep haberde qayd etildi.
Doğum alğan qadınnı Simferoplğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) yollaycaqlarını qayd etti.
Hatırlatamız ki, işğal etilgen yarımadada tibbiyet saalarında mütehassıslar yetmegeni aqqında ''Sputnik Krıma'' radiosı, Qırım Cumhuriyeti Devlet Şurasınıñ sağlıq eyyetiniñ işğal yolbaşçısı Anna Rubelge esaslanıp, bildirdi.
İşğalcilerniñ aytqanlarına köre, Qırımda 818 ekim ve 1076 feldşer yetmey. Yarımadağa ekimlerni celp etmek içün Rusiye akimiyeti qoşma tölevlerni teklif ete – ekimlerge bir million ruble, tibbiy hadimlerge (feldşerlerge) yarım million ruble. Böyleliknen, işğalciler er sene Qırımdaki tibbiyet müessiselerine yüzge qadar ekimni celp etmege planlaştıralar, köylerde ve küçük şeerlerde çalışmağa üstünlik berile.
Evel, adı açılmamaq şartınen, Suspilne Qırımnıñ subetdeşi ekimler ne içün qısqartıla, tibbiyet hadimleri yetişmey, yañı ''reberlik'' yerli hadimlerge nasıl munasebette bulunğanı ve asılında millionlarnen bücet paraları qayda ketecegi aqqında tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
