İşğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) "Qırım Qızıl kitabı"nıñ yañı neşiri taqdim etildi. Oña 832 qorçalanğan çeşit ayvan ve ösümlikler kirsetildi. Ukrayina ekologlarınıñ fikirince, böyle deñişmeler qanunsızdır ve arbiy qurucılıq içün qullanıla bile.
"Qırım Qızıl kitabı"nıñ yañı neşiri aqqında RİA "Novosti Krım" yazdı.
"Qoruğan çeşitlerniñ umumiy sayısı 832 oldı. Olarnıñ arasında endemikler de bar — yani dünyanıñ başqa iç bir yerinde olmağan türler. Qızıl kitapqa kirsetilgen ayvan türleriniñ cedveli 370-den 400-ge qadar arttı. Bazı ayvanlar cedvelden çıqarıldı, çünki olarnıñ sayısı ğayrıdan tiklendi ya da olarnıñ barlığı tasdıqlanmadı. Ösümlik ve mantar çeşitleriniñ cedveli 405-ten 432-ge arttı. Bazı quş çeşitlerine sıfır statusı berildi, bu ise, türniñ olmağanını ifadeley. Amma quşlar ğayıp olmadı, olar yuva qurmaq içün yerlerni deñiştirdiler", — dep haberde qayd etildi.
"Nazirler şurası"nıñ reisiniñ muavini Mihail Nazarovnıñ qayd etkenine köre, ğayıp olğan ayvanlarnıñ sayısı arttı. Bundan ğayrı, "Qırım Qızıl kitabı"nıñ yañı neşirinden mayıs peyğamber dögmesi, eki yapraqlı aqbardaq, kirpi başlı lameria, qan-qırmızı narat mantarı çıqarıldı.
"Yeşil kâğıt" teşkilâtınıñ reisi, kimyacı, ayatiyatçı Vladıslav Balinskıy işğalcilerniñ vesiqanı ne içün yañıdan yazmağa qarar aldılar ve bunıñ içün yeterli sebep olıp-olmağanını jurnalistlerge añlattı.
O, işğalcilerniñ areketleri qanunsız olğanını tüşüne, çünki olar öz hulâsalarında "nezaret"ke esaslanalar, bu ise "Qırmızı kitap"nı deñiştirmek içün sebep olamaz. Onıñ aytqanına köre, bu esnas daa çoq tedqiq ve sebep talap ete.
O, işğalcilerniñ qanunsız tarzda areket etkenini saya, çünki öz hulâsalarında olar "nezaret" dep adlandırılğan şeyge muracaat eteler. Onıñ aytqanına köre, bu ceryan daa teren araştırmalarnı talap ete.
Mütehassıs tek işğal ekologlarınıñ nezaretiniñ keyfiyetine degil de, böyle deñişmelerniñ sebeplerine de şübelendi. Onıñ fikrine köre, bu, bazı topraqlarnıñ maqsatı ve statusını deñiştirmek, soñ ise işğal etilgen yarımadada arbiy bazalarnıñ sayısını arttırmaq ya da qoruqlarnı qurmaq içün yapıla bile.
"Bilgenime köre, şimdi Qırımda insan yükü pek yüksek, arbiy bazalar qurula ve bu sebepten qoruv cedvelinden çıqarılmalı ya da rejimini deñiştirmeli olğan yerler bar — qoruq ya da milliy tabiat parkı çerçivesinde. Qorqum bar ki, bu, topraqlarnı qullanuv statusını deñiştirmek ve soñra olarnı qurmaq içün yapıla", — dep Vladıslav Balinskıy netice çıqardı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
