İşğalli Qırım Yuqarı mahkemesi 2024 senesi casuslıq içün müstemlekede 17 yılğa üküm etilgen Qırım sakini Yevhen Melnıçuknıñ ükmüni deñiştirmedi.
RİA "Novosti Krım" bunı bildirdi. İşğalli tahqiqatnıñ versiyasına köre, o, Ukrayina Mudafaa nazirligine soqaq video kameralarından alınğan malümatnı bere edi.
"Mahkeme Yevhen Melnıçuknı casuslıqta qabaatlap, sert rejimli müstemlekede 17 yılğa üküm etti. Rusiye Yuqarı mahkemesi ükümni deñiştirmedi", — dep haberde qayd etildi.
Hatırlatamız ki, Yevgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) doğdı — Nahimov adına arbiy-deñiz institutınıñ mezunı, yelken idman ustası, daima Ukrayina tarafdarı olğan iş adamı. Menlik inqilâbı vaqtında o, dostlarına Maydanda qol tutmağa ketti.
2014 senesi saban ayında Yevhen Rusiye işğaline qarşı küreşke çağıruvnen video muracaatlarını yazıp çekti. Bundan soñ "Qırım öz-özüni dare etüvi" onıñ evine kirdi, dep Suspilne Qırımğa mabüsniñ apayı İrına bildirdi.
"Onı pek çoq köteklediler. Daireni tinttiler, silânı qıdırdılar, onı qayda saqlağanını soradılar. Soñra onı bir yerge alıp kettiler — o, qayda olğanını bilmey. Banderacı olğanını ayttılar", — dep apayı añlattı.
Daa soñra qorantası Qırımdan İrpinge köçti. Yevhen ekolog edi, şeer yolbaşçısı vazifesine namzet kösterdi, jurnalist olaraq çalıştı.
İşğalciler Yevhenni 2022 senesi, Qırımğa ana-babasına barğanda tuttılar. Soñra ana-babası oğlu Rusiye quvetçileri tarafından alıp ketilgenini ögrendi.
Bir qaç aydan soñ belli oldı ki, Yevhen Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) SİZOda buluna ve "casuslıq"ta qabaatlana. Tek 2024 senesi baarde ana-babası oğlunı apishanede kördi — bunı Suspilne Qırımğa mabüsniñ apayı İrına bildirdi.
"O, 17 ay devamında onı urğanlarını, işkencege oğratqanlarını, taqiqat tedbirlerine razı olmağa mecbur etmek içün onı ormanğa alıp ketkenlerini ayttı. O, çoqtan berli razı olmağan edi", — dep İrına ayttı.
2024 senesi boş ayda işğalciler sert rejimli mütsmelekede 17 yıllıq cezasını berdiler.
"Onıñ büyrekleri ağıra edi, ruhiy alı ağır edi", — dep qadın ayttı.
İrına aqayını deñiştirüv cedveline kirsetmege tırışa ve halqara teşkilâtlarğa muracaat etip, Yevhenniñ azat etilmesine yardım ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
