Qırımda işğalciler tarafından AMSnıñ fetoresimlerini çıqarğanı içün mahküm etilecek Feodosiyalı (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adli) adam — iş adamı Taras Hudaktır. Adam, 2025 senesi çiçek ayında bağ qurmadı.
Öz menbalarına atfı etip, "Tribunal. Qırım epizodı" bu aqqında haber berdi.
"Teşviqatçılarnıñ tarqatqanları haberde şübheli ne vaqıt tutulğanı, soyadı ya da yaşı aytılmay. Amma, "Tribunal"nıñ menbasınıñ aytqanına köre, haberde Feodosiyalı (Kefeli — terciman) iş adamı Taras Hudak aqqında aytıla, o, 1981 senesi doğdı ve bu yıl çiçek ayından berli bağğa çıqmay ve içtimaiy ağlarda faal etmey", — dep haberde qayd etildi.
Hatırlatamız ki, ilk qış ayınıñ 22-nde işğalli Qırım prokurorlığı Qırım sakinini AMSnıñ fotoresimlerini yapqanı içün içün mahküm etecegini bildirdi. Adamnı devlet hainliginde qabaatlaylar.
"2024 senesi ilk qış ayından 2025 senesi çiçek ayına qadar Feodosiya (Kefe) şeerinde ava mudafaasınıñ yerleşüv yerlerini fotoğa çekti. Toplanğan malümatnı o, Rusiye Federatsiyasınıñ menfaatlarına qarşı qullanmaq içün Ukrayina Baş istihbarat idaresiniñ vekillerine bere edi", — dep işğalcilerniñ haberinde bildirildi.
Taras Hudaknıñ devlet hainliginde qabaatlanıp apiske alınğanı aqqında boş ayda "Qırımtatar resurs merkezi"niñ idare reisi Eskender Bariiev bildirdi.
"Ukrayina haber boşluğı memleketimizniñ tarihında eñ büyük qabarcılıq skandalı aqqında munaqaşalarnen tolu olğan künlerde men, buña baqmadan, işğal etilgen Qırımda daa 8 adam — Andriy Brühanov, Hudak Taras, Çauş Enver, Tsırık Olğa, Kutsenko Ğlib, Revut Anatoliy, Melnıçuk Evelina, Dâkunovska Tetâna — devlet hainligi içün apiske alınğanını ögrendim", — dep Bariiev yazdı.
Hatırlatamız ki, 2025 senesi boş ayda işğal etilgen Qırımda eñ az 24 tevqif, 10 yaqalanuv, 5 tintüv ve adaletli mahkeme aqqınıñ bozuluvı boyunca 31 adise qayd etildi, olarnıñ çoqusı qırımtatarlarğa qarşı edi. Qırımtatar Resurs Merkeziniñ esabatında bu aqqında aytıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
