İşğalciler Qırım sakinini devlet hainliginde qabaatlap mahkeme etecekler. İşğalli tahqiqatnıñ versiyasına köre, o, Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) Rusiye arbiy silâlı quvetleriniñ vastalarınıñ fotoresimlerini çeke edi.
İşğalli Qırım prokurorlığı bunı bildirdi.
"2024 senesi ilk qış ayından 2025 senesi çiçek ayına qadar Feodosiya (Kefe — terciman) şeerinde ava mudafaasınıñ yerleşüv yerleriniñ fotoresimlerini çekti. Toplanğan malümatnı o, Rusiye Federatsiyasınıñ menfaatlarına qarşı qullanmaq içün Ukrayina Baş istihbarat idaresiniñ vekillerine bere edi", — dep haberde qayd etildi.
Davanı yarımadanıñ işğalli Yuqarı mahkemesi baqacaq.
Hatırlatamız ki, 2025 senesi boş ayda işğal etilgen Qırımda eñ az 24 tevqif, 10 yaqalanuv, 5 tintüv ve adaletli mahkeme aqqınıñ bozuluvı aqqında 31 adise qayd etildi, olarnıñ çoqusı qırımtatarlarğa qarşı edi. Qırımtatar Resurs Merkeziniñ esbaatında bu aqqında aytıla.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
