Qırımlı siyasiy mabüs Amet Süleymanovğa kerekli tibbiy ilâclar berilmey — Rusiye "Volodımırskıy tsentral" koloniyası ekinci kere onıñ apayınıñ ekim ayından berli yollağan ilâclarını qaytardı.
"Qırımtatar resurs merkezi" mabüsniñ qadını Lilâ Lumanova bu aqqında bildire.
"Poşta eki kere Volodımır vilâyetindeki apishanege keldi, amma eki kere de "yetersiz" yazısı ile keri qaytarıldı. Bunıñ ile Rusiye memuriyeti ağır sağlıq vaziyeti olğan adamğa yürek işini devam ettirmek içün kerek olğan ilâclarnı almağanını añlatmadı", — dep aytıla haberde aytıla.
Lumanova, Ametniñ alı fenalaşqanını da ayttı:
"Arman ayında oña yürek tomografiyası yapıldı. Bizim isteklerimizge vesiqalar öyle de yollanılmadı. Aqayımnıñ aytqanına köre, alı fenalaştı. O, evden yollağan ilâclarnı almay. Em de kerekli tedaviylevni alamay. Ameliyatnı yapmaylar", — dep Lumanovnıñ aytqanlarını QRM bildire.
Hatırlatamız ki, onıñ apayı Lilâ Lumanova da boş ayında Rusiye pasportlarını qabul etmegeni aqqında bildirgen edi.
Amet Süleymanov "Hizb ut-Tahrir davasında" qanunsız şekilde 12 yıl sert rejimli koloniyada qalmasına üküm etildi.
Amet Süleymanov aqqında ne bilemiz
Süleymanov – 2014 senesi Rusiyeniñ Qırımnı qanunsız işğalinden soñ evlerniñ tintilmeleri ve qırımtatarlarnıñ tutulmaları aqqında haber bergen "Qırım birdemligi" içtimaiy jurnalistidir.
O, qalpnıñ qırmızı qan damarı ve mitral kemligini çeke. Siyasiy mabüsniñ apayı Lilâ haber berdi ki, aqayı operatsiya nevbetinde tura. Bundan ğayrı, o qayd etti ki, onıñ içün apishanede bulunmaq, "ölüm demektir".
Bundan ğayrı, qırımtatarnıñ saqatlığı bar, amma 2015 senesi Moskvada ameliyattan red etkeni sebebinden o lâğu etildi, çünki muntazam tarzda teddaviylegeni Kıyivde ameliyat yapacaq edi.
2020 senesi saban ayınıñ 11-inde işğal etilgen Qırımnıñ Bağçasaray şeerinde rus quvetçileri, evini tinttiler ve neticesinde o tutuldı. 2023 senesi çiçek ayınıñ 5-ine qadar Süyelmanov, qalp hastalığı sebebinden, ev tevkifi astında buluna edi.
Qorçalayıcı tarafnıñ qırımtatarnıñ sağlıq alına dair çoq ilânlarına baqmadan, Rovtov-na-Donudaki Cenübiy bölge arbiy makemesi onı 12 senege maküm etmege qarar berdi.
Avropa Şurasınıñ Parlament Assambleyasınıñ (AŞPA) maruzacısı, rusiye akimiyetini qanunsız olaraq tevqif etilgen jurnalist Amet Süleymanovnı azat etmege çağırdı.
2023 senesi arman ayında onı Vladimirdeki 2-nci Rusiye apishanesi olğan "Vladimir merkezi"ne etap ettiler.
2024 senesi oraq ayında Rusiye Federatsiyasınıñ Vladimir vilâyet makemesi qırımtatarnıñ apishaneden azat etilüvini red etti, onıñ eki hastalığı olsa da, onı tüzetüv müessiselerinde tutmaq mümkün degil.
2024 senesi orta küz ayınıñ soñunda Qırımnıñ işğalli Sağlıq nazirligi onı yürek klapanını deñiştirmek içün ameliyat nevbetinden çıqardılar. Onıñ adı beklev cedveline kirsetildi.
Sağlıq nazirliginiñ işğalli vekilleri Süleymanovnıñ "ameliyatı aqqında qarar alınması içün mütenasip vesiqalarnen şahsen kelmesi"ni talap etti. Onıñ apayı Lilâ Lümanova Qırımnıñ işğalli prokurorlığına şikâyet yazdı.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
