İlk qış ayınıñ 7-nde Lvivde Ukraïner neşriyatı, Ukrayina tamır halqınıñ tili olğan qırımtatar tilinde "Ukrayinanıñ içinden" kitabınıñ ilk neşrini taqdim etecek. Neşir Ukrayinanıñ bütün tarihiy bölgelerindeki ekspeditsiyalar esasında yaratıldı.
Ukraїnerniñ matbuat hızmeti bunı bildirdi.
İlk qış ayınıñ 7-nde Lvivde qırımtatar medeniyetine bağışlanğan eki körüşüv ve kitapnıñ taqdim merasimi ötkerilecek:
- saat 15:00te — UKUniñ (Ukrayina katolik universiteti) Kollegiumınıñ 2 Svitlıtsâ,
- saat 18:00de — "Krımskıy Dvorık" qavehanesinde.
Aqşam körüşüvinde, neşirniñ taqdim etilmesinden ğayrı, ananeviy qırımtatar yemekleri teklif etilecek ve yırcı, qırımtatarı, filolog, Qırım medeniyetiniñ tedqiqatçısı Safiye Lenter qızı çıqışta bulunacaq.
O, a cappella olaraq yırlarnı icra etecek ve qırımtatar yırcıları aqqında tasil kitabını taqdim etecek, olar muzıka mirasını saqlap, kelecek nesillerge keçirdiler.
Kitapnı satın almaq ve terciman, Ukraïner saytınıñ qırımtatar tilli versiyasınıñ koordinatorı, UKUniñ ocası Mamure Çabanovanıñ imzasını almaq mümkün olacaq. Bundan ğayrı, Ukraïner. Ukrayinanıñ içinden online satın almaq mümkün.
Bundan da ğayrı, spikerler cemaat erbabı, qırımtatar medeniyetiniñ elçisi, "Krımskıy Dvorık" qavehanesiniñ tesisçisi Lerane ve UKUniñ Din ve cemiyet institutınıñ müdiri, Kıyiv-Moğıla biznes mektebiniñ ocası Roman Nazarenko olacaq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
