Ruslan Kurtmallayev — qırımtatar, 501-nci deñiz piyade batalyonınıñ arbiy hızmetçisi. 2022 senesi çiçek ayında o, Mariupol civarını qorçalağan qardaşlarınen beraber Rusiye esirligine tüşti. Üç yıl devamında Ruslan evge tek bir mektüp yollap oldı.
Olğa Kurtmallayeva aqayınıñ azat etilmesi içün birinci künlerinden küreşe. Onıñ taqdiri aqqında çoqusı allarda azat etilgen arbiy hızmetçilerden ögrene, çünki Ruslan endi eki yıldan berli bir kişilik kamerada buluna ve onı kimsege körmege izin berilmey. Buña baqmadan, Olğa ümüt besley, çünki aqayınıñ qardaşlarınıñ çoqusı endi evlerine qayttı.
Beş yıldır kanser hastalığını yeñe — dört ameliyatı oldı ve 26 kere himioterapiya aldı. Olğa Suspilne Qırımğa aytqanı kibi, aqayı aqqında tüşüncesi oña teslim olmağa izin bermey edi.
Ruslan Kurtmallayev 16 yaşında olğanda tuvğan Qırımını terk etip, Zaporijjâğa oqumağa köçti. Soñ arbiy hızmetke ketti. Kelecek apayınen Berdânskta tanış oldı.
"Men 15 yaşında edim. O endi arbiy hızmetçi edi, böyle büyük bir adam. Bir körüşüvde sevgi olğanını aytıp olamayım. Tabiiy ki, samimiylik bar edi. Amma sevgimbiraz soñ peyda oldı, onıñ maña nisbeten nasıl munasebet köstergenini körgen soñ, qayğınen. O ketkende men añladım ki: "Oh, men bir şeyni coyamam — men onı coyamam". İşte, men aşıq olğanımnı añladım ve altı aydan soñ o maña evlenmege teklif etti. 16 yaşında evge kelip anama: "Ana, men evlenecegim", dedim. O maña qoltuttı", — dep Olğa hatırlay.
2017 senesi çift evlendi. Ruslan deñiz piyade ordusında hızmet etken edi, tolu miqyaslı istilâ vaqtında onıñ batalyonı Mariupol civarını qoruy edi. Olğa o vaqıt onkologiyadan tedaviylene edi. Bir qaç kün evelsi, tolu mqiaslı istilâdan evel, oña aqay telefon etkenini hatırlay.
"Tüşünceli bir şekilde laf etip: "Poloniyada dostlarıñnen körüşmege istemeysiñmi?" dedi. Men o vaqıt buña pek diqqat ayırmadım, dedim ki: "Ne demek? Poloniyağamı?" Tedaviylenemiz, bir yerge ketmege niyetimiz yoq edi. "Yoq", — dep ayttım. O şunı dedi: "Ebet, bir şeyler başlanacaq". Men aytam: "Başlasa da başlasın", — dep o añlata
Ruslav Berdânskta yerleşken 501-nci deñiz piyade batalyonında hızmet etti. Olğa dey ki, deñiz ordusı onıñ közleri ögünde oğlançıqnı erkekke çevirdi.
2022 senesi saban ayında batalyon Ruslannen beraber Mariupol civarında sarıp alındı. Çiçek ayınıñ 3-nde gece bütün bölük esir alındı.
Çiçek ayınıñ 3-nde gece, daa yaralanğan ve birazdan esir alınğan qardaşları batalyon ğayıp olğanını haber ettiler. Gece olarğa ne olğanını añlamay edik — yani 300 adamdan ibaret batalyon nasıl ğayıp olğan. Gece qorqunçlı edi. Ve saba Rusiye Telegram kanallarında bütün batalyon esir etilgenini kördik. Er kes bir baraqta tura edi, ve Kadırovlar olarğa endi arbiy esirler olğanını ayta ediler", — dep Olğa qayd etti.
Qadın dey ki, aqayı aqqında malümatnı esirlikten qaytqan arbiy hızmetçilerden ögrene.
"Şimdilik elimde olğan malümatqa köre, iste çoqusı esirlikten azat etilgen. Şimdi ise böyle bir imkânım yoq, çünki aqayım eki yıldan berli bir kişilik kamerada buluna. Oğlanlar onı tek eşiteler, kimse onı körmey", — dep qadın qayd etti.
Şimdilik aqayınıñ sağlıq vaziyeti aqqında bir şey bilmey, amma 2014 senesine qadar onıñ "ayaqlarınen büyük meseleleri bar edi", ve Mariupolda bir qaç yaralanğan edi.
"Şimdilik onıñ sağlığına ne tesir etkenini tasavvur etmek qıyın, amma men onıñ müstemlekesinden qaytqan oğlanlarnı, olarnıñ ağır fizikiy ve maneviy vaziyetini körem. Ve olar pek uzun, pek uzun reabilitatsiyağa, tedaviylevge muhtaclar. Men bellesem, o qaytacaq soñ, tek birinci cenk qazanılır. Ondan da ğayrı daa bir şey olacaq — onıñ sağlığı içün, cemiyetniñ parçası yañıdan olması içün, çünki şimdi bu üç yıl ve altı aydan berli tolu izolâtsiyadadır. Ve er şey pek deñişti, ayatqa, cemiyetke qaytmaq zor olacaq", — dep Olğa qayd etti.
Onıñ aytqanına köre, aqay bir qaç müsyemleke arasında köçti.
"Bir müstemlekeden başqa müstemlekege köçüv — bu kerçekten qorqunçlı, çünki bu bir ameliyat. Bu, apishanelerde ola bilgen eñ qorqunçlı şeylerden biridir. Yañı apishanege kirgende — yañı insanlar, yañı urbalar, qorqunçlı işkenceler, yañı sorğular. "Sen ne yaptıñ?" kibi sualge cevap bermeyler. Bu elektriktir. Amma bu kerçekten qorqunçlı. Men bilem ki, onıñ başı bir çekiçnen qırılğan edi, ve tek onıñ degil de, o yerde nasıl etip tüzelgenini tasavur etmege bile qorqam. Ve bu bütün qabuller. Ve er sefer daa beter ola", — dep Olğa bildirdi.
Kanser hastalığınen küreşkenine baqmadan, qadın ruhunı coymay — Ruslannen körüşecegine inana.
"Men yatıp, şimdi ölmege aqqım olıp-olmağanını dep tüşündim. Onı kim çıqaracaq? Ukrayinada onıñ kimsesi yoq. Eger sen şimdi bu yerde ölseñ, onı anda işkencege oğratırlar, çünki sen ketmediñ, çalışıp yetiştirmediñ, yapıp yetiştirmediñ ve onıñ aqqıñda aytmadıñ... Men daa özüme kelem, pek ağır bir tedaviylev, dört ameliyat, 26 himioterapiya. Ağır, amma şimdi onıñ içün küreşmek içün küçüm bar. Er mektübimde oña: "Seni ne qadar beklemek kerek olsa da, men seni bekleycegim... Bu menim qorantamnıñ bir qısmı. Qoranta — ayatta eñ müim şeydir", — dep arbiy esirniñ apayıqayd etti.
Er gece, üç yıl devamında, apiske alınğan aqayınen körüşmek içün azırlağan şeylerni çantasından alıp kete. Olğa onı er mevsimde yañıdan tikley. O ayta ki, ayırıluv, cenk ve yıllarca körmemezlikke oğrağan sevgiden tiklengen ümütnen yaşay.
"Men añlayım ki, onı deñiştirgende, men özümnen çalışırım, amma men kerçekten qorqam. Ve men añlayım ki, bu şekilde kirmek, çantamnı alıp çıqmaq ve oña barmaq içün azır olmaq keregim. Onı pek körmege isteyim. Üç buçuq yıl — bu uzun ve ağır bir vaqıt", — dep Kurtmallayeva ayttı.
Bundan da ğayrı, o, deñizcilerniñ qorantalarına destek köstergen ve esirlikten qaytqanlarnı qarşılağan cemaat teşkilâtını idare ete.
"Deñiştirüv — adamlarımız qaytqan soñ duyğulardır. Bu duyğularnı bir daa iç bir vaqıt yaşamaycaqsıñ. Çünki, birinciden, qaytqan insanlar içün quvanç. Ekinciden, anda acılıq bar, çünki insanlar öz tuvğanlarını qaytarmağanları içün ağlaylar. Mında habersiz ğayıp olğanlar, tuvğanlarını qıdıralar, bu ayrı bir ağrıdır. Bu, memleketniñ umumiy quvançıdır. Bir saat içinde normal ayatta tasavur etmege qıyın olğan duyğularnıñ çeşitligini duyasıñ", — dep Olğa añlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
