"Hizb ut-Tahrir davası" boyunca qanunsız sürette 12 yıl apis cezasına mahküm etilgen qırımtatarı Tofik Abdulgaziyev Çelâbinskteki apishaneniñ tuberkulöz hastahanesinde körüniñ qısmen ğayıp oluvı aqqında bildirdi. Onıñ sıñır körüviobyektlerni ve areketni merkeziy noqtasından tış körmek qabiliyeti, 180 derecege qadar keñ körüv alanını temin etüv bütünley ğayıp oldı ve esas körüvi körmemez oldı.
"Qırım birdemligine" onıñ apayı Aliye Kurtametova bu aqqında ayttı, o, aqayınen bağlanıp oldı.
Qırımtatar siyasiy mabüsiniñ aytqanına köre, körüniñ fenalaşuvı ekim ayında başladı. Bundan soñ o, apishaneniñ hastahane memuriyetinden bir oftalmolognıñ mesleatını istedi, amma alâ daa bir şey alınmadı. O, apayına, tışqı körüvi ile bir şey körmegenini añlattı. Bundan da ğayrı, onıñ aytqanına köre, doğru körüv bulanıq ve körmemez.
"O, yemege kerek olğan tabaqnı körmey. Telefon nomerasına telefon etmek içün yardım soray, çünki parmaqları divarğa urula. Tofik cemaatından kelgen mektüplerge cevaplarnı oqup yazıp olamay", — dep Aliye Kürtametova tarif etti.
Hatırlatamız, Tofik Abdulgaziyev 2024 senesi saban ayından berli Çelâbinskteki №3 apis tuberkulöz hastahanesinde buluna. Onıñ diagnozı — "limfatik tuğralar zararlanğan tarqalğan aqciger dıseminovanıy tuberkülöziAqcigerlerde bakteriyalarnıñ tarqaluvı ve bir çoq küçük odaçıqlarnıñ peyda oluvı ile tasvirlene".
"Çiçek ayında onı intensiv terapiya odasına avuştırdılar ve onda tuberkulöz, em de bir sıra diger ağır hastalıqlar qayd etildi, olarnıñ arasında eki taraflı pnevmoniya, sol taraflı gidrotoraks (yüçlerde suv), anemiya, mitral valvulı zararlanğan bağlama tişiniñ displaziyası sındromu (yürek hastalığı), hronik yürek yetmezligi, gastrit, em de nefrolitiaz (böyrek taşları)", — dep "Qırım birdemligi" yaza.
Tofikniñ qadını Aliye Kurtametova ve adliyecisi siyasiy mabüsniñ ileride esirlikte bulunmasını talap ete ediler.
"Biz epimiz onıñ içün qasevetlenemiz. Bu diagnoz ile Tofiqqa daa ziyade tedaviylev, baqıluv ve aş berüv kerek, amma apishanede bu imkânsız", — dep Aliye qoştı.
Hatırlatamız, Rusiye mahkemesi 2024 senesi arman ayında siyasiy mabüsniñ sağlıq alı sebebinden azat etilmesini red etti.
Tofik Abdulgaziev aqqında ne bilemiz
2017 senesi mayıs ayınıñ 4-ünde Tofikniñ evi ilk kere tintildi. O zaman tutulmadı. 2019 senesi saban ayınıñ 27-sinde evi ekinci kere tintilgen soñ Abdulgaziev, Rusiyede yasaqlanğan "Hizb ut-Tahrir" teşkilâtına ait olmağa qabaatlanıp tevqif etildi.
2022 senesi mayıs ayında Rostov-na-Donudaki Cenübiy bölge arbiy makemesi, Tofik Abdugazievğa üküm çıqarıp, sert rejimli müstemlekede 12 senege maküm etti. Müddetniñ ilk beş senesini apishanede keçirmeli.
Bir yoldan soñ 2023 senesi mayıs ayında Vlasıstaki Apellâtsiya makemesi, qorçalayıcı tarafnıñ ükümge şikâyetnamesini baqtı ve ükümini deñiştirmeyip qaldırdı. 2023 senesi oraq ayında Abdulgaziev, RFnıñ Çelâbinsk vilâyetiniñ Verhnöuralsktaki apishanege etap etildi.
Tevqif etilmeden evel Tofik Abdulgaziev, qırım siyasiy mabüslerniñ balaları içün tedbirlerini teşkil etmege yardım etken edi. "Qırım birdemligi" cemaat birleşmesiniñ faalcisi, ses operatorı, "Qırım balalığı" leyhasınıñ iştirakçisi ed. Bundan ğayrı, siyasiy mabüslerge SİZOğa aşayt mahsulatını yollağan, siyasiy sebeplerden açılan davalarnıñ oturışlarını ziyaret etken, vatandaşlarnıñ evileri tintilgende olarnı destek etmege kelgen edi.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
