İşğalciler Rusiyeniñ Rostov-na-Donu şeerindeki Cenübiy bölgeniñ arbiy mahkemesine Qırım köprüni ve Rusiye diktatorı Vladimir Putinniñ rezidentsiyasını raketalarnen urmağa çağırğan 22 yaşındaki Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinine qarşı cinaiy davanı berdiler. Adam yedi yılğa qadar üküm etile bilir.
Rusiye FSBniñ Qırımdaki idaresiniñ matbuat hızmeti bunı bildirdi, dep orta küz ayınıñ 22-nde "Novosti Krım" Rusiye teşviqat haber agentligi haber etti.
"Terroristik ve aşırıcı faaliyetke açıq çağıruvlarda qabaatlanğan, "İnternet" ağında terrorizmni aqlağan Sevastopol (Aqyar — terciman) sakininiñ cinaiy davasınıñ taqiqatı yekünlendi,", — dep haberde qayd etildi.
Rusiye taqiqatınıñ versiyasına köre, Sevastopol (Aqyar) şeeriniñ sakini 2024 senesi saban ayından 2025 senesi çiçek ayına qadar Ukrayinağa qoltutqan Telegram kanallarında Qırım köprüne raketa ücümi, Putinniñ rezidentsiyasına ücümler ve "Rusiye vatandaşlarına qarşı zorbalıq areketleri"ne çağıruvlar yapqan edi. Bundan da ğayrı, o, Rusiye Federatsiyasınıñ Kursk vilâyetinde ukrayin arbiy hızmetçileriniñ areketlerini "aqladı".
Hatırlatamız ki, Qırımda Ukrayinanıñ yetek alimi Leonid Pşenıçnov tutuldı. Ukrayina ve Avstraliya bu areketlerni takbih etip, onıñ deral azat etilmesini talap ettiler. Tek şimdi, Ukrayinanı temsil etken Antarktikada deñiz canlı resurslarını saqlav eyyetiniñ Avstraliyadaki yıllıq (CCAMLR) toplaşuvında bu aqqında belli oldı.
Bundan evel orta küz ayınıñ 15-nde saba işğalciler Qırımda dört qırımtatar qadınını tuttılar: Esma Nimetulayeva, Elviza Aliyeva, Nasiba Saidova ve Fevziye Osmanovanı. Er kesni Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke), RF FSBsiniñ Qırım Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki işğalli idaresine alıp kettiler.
Orta küz ayınıñ 16-nda Qırımnıñ işğalli Kıyiv rayon mahkemesi olarnı eki ayğa apiske yolladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
