Qırımda işğalli Kıyiv rayon mahkemesi orta küz ayınıñ 15-nde tutulğan Esma Nimetulayeva, Elvize Aliyeva, Nasiba Saidova ve Fevziye Osmanovanı eki ayğa apiske yolladı. Apiske alınğan qadınlarğa qarşı tedbirlerniñ saylanuvı boyunca bütün dört oturışuv qapalı şekilde keçirildi.
Suspilne Qırım mühbiri ve ''Qırım birdemligi'' bunı bildirdi.
Başqa eki qadın mabüs içün qorçalayıcı tedbirler alına.
"Esma mümkün olğanı qadar özüni yahşı tuta. O, mahkeme oturışı vaqtında qafeste edi. Qanunnen iç bir alâqası olmağan ve qabaatsız insanlarnı azatlıqtan marum etüv şeklinde ağır aqibetlerge ketirgen, tamamınen saçma ve deşetli bir vaziyet", — dep Esma Nimetulayevanıñ advokatı Emil Kurbedinov qoştı.
20 yaşındaki Elviza Aliyevanı advokat Edem Semedlâyev qorçalay.
"Mahkemeci, imaye etkenim qadın iç bir vaqıt memuriy mesüliyetke çekilmegenine baqmadan, bir ay ve otuz kün devamında Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ — terciman) tahqiqat izolâtorında tutuluv şeklinde bir tedbir aldı", — dep Edem Semedlâyev ayttı.
Advokat Emil Kurbedinovnıñ aytqanına köre, tutulğan qadınlar işğal etilgen Simferopoldaki (Aqmescitteki) 1-nci SİZOda tutulacaq.
Hatırlatamız ki, orta küz ayınıñ 15-nde saba işğalciler Qırımda dört qırımtatar qadınını tuttılar. Bağçasarayda bir qaç balanıñ anası ve siyasiy mabüs Remzi Nimetulayevniñ apayı Esma Nimetulayeva tutuldı. Aynı rayonnıñ Holmivka (ZalanköyRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) köyünde işğalciler bala bağçasında terbiyeci olıp çalışqan pedagogika kolleciniñ studenti Nasiba Saidovanıñ evini tinttiler. Dolınnede (TopçıköyRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) quvetçiler Elviza Aliyevanıñ evine kirdiler, Orlivkada (MamaşayRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ise Fevziye Osmanovanıñ evini tinttiler.
"Qırım birdemligi"niñ yazğanına köre, mahkeme yanındaki topraq qamaçavğa alınmadı, lâkin mahkemede Rosgvardiyanıñ eki maşnası tura edi.
"Soñ polis, tuvğanlardan ğayrı, er kesni quvdı. Uquq qorçalayıcılar şahsen insanlarğa yaqınlaşıp, uzaqlaşmağa rica ete ediler. Bundan soñ eki OMON hadimi ve bir polis hadimi: "Yol kenarlarını tutmañız. Olarnı azat etiñiz. İnsanlarğa serbest keçmege izin beriñiz, er şey yahşı olur, sizge kimse toqunmaz", — dep "Qırım birdemligi" yazdı.
Qırımtatar qadınlarınıñ apiske alınması aqqında ne bilemiz
Orta küz ayınıñ 15-nde saba işğalciler Qırımda dört qırımtatar qadınını tuttılar.
Birinciden Bağçasarayda bir qaç balanıñ anası ve siyasiy mabüs Remzi Nimetulayevniñ apayı Esma Nimetulayeva tutuldı.
Aynı rayonnıñ Holmivka (Zalanköy) köyünde işğalciler bala bağçasında terbiyeci olıp çalışqan pedagogika kolleciniñ studenti Nasiba Saidovanıñ evini tinttiler. Dolınnede (Topçıköyde) quvetçiler Elviza Aliyevanıñ evine kirdiler, Orlivkada (Mamaşayda) ise Fevziye Osmanovanıñ evini tinttiler.
Tutulğanlarnıñ episi Simferopoldaki (Aqmescitteki) FSB idaresiniñ binasına ketirildi ve olarğa Rusiyede yasaq etilgen "Hizb ut-Tahrir" teşkilâtında iştirak etkenleri aqqında madde boyunca şübe bildirildi. Rusiyeniñ "RİA Novosti" devlet agentligi, işğalli FSBge atıf etip, tutulğan qadınlar "Qırım musulmanları arasında dünya halifeliginiñ ideologiyasını tarqatqanı" aqqında bildirdi.
Orta küz ayınıñ 16-nda Qırımnıñ işğalli Kıyiv rayon mahkemesi olarnı eki ayğa apiske aldı. Apiske alınğan qadınlarğa qarşı qorçalayıcı tedbirlerniñ saylanuvı boyunca bütün dört oturış qapalı şekilde keçirildi. Advokat Emil Kurbedinovnıñ aytqanına köre, bütün qadınlar işğal etilgen Simferopoldaki (Aqmescitteki) 1-nci SİZOda tutulacaq. Onıñ malümatına köre, Esma Nimetulayeva işğalciler tarafından Rusiye Ceza qanunnamesiniñ 205.5-nci maddesiniñ 1-inci qısmı (terror teşkilâtınıñ faaliyetini teşkil etüv) boyunca qabaatlana, diger apiske alınğan qadınlar ise aynı maddeniñ 2-nci qısmı (terror teşkilâtında iştirak etüv) boyunca qabaatlanalar.
Esma Nimetulayeva — beş balanıñ anası, 2023 senesi arman ayınıñ 23-nde işğalciler tarafından tutulğan ve Hizb ut-Tahrir davasınıñ beşinci Bağçasaray gruppasınıñ siyasiy mabüsi Remzi Nimetulayevniñ apayıdır.
Nasiba Saidova — pedagogika kolecinde oquğan, bala bağçasınıñ bebek gruppasında çalışqan qız, dep "Qırım birdemligi" bildirdi.
Fevziye Osmanova — tükân hadimi, onıñ evi Bağçasaray rayonınıñ Orlivka köyünde yerleşe.
Elviza Aliyeva Simferopoldaki (Aqmescitteki) fırında kasiyer olıp çalıştı, Qırım federal universitetiniñ dörtünci kursında "Menecment" ihtisasını ala.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
