İşğal etilgen Qırımnıñ Ğvardiyske (SarabuzRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) qasabasındaki neft bazasında çıqqan yanğın neticesinde eñ az beş yaqarlıq saqası yandı, yanğın yañı miqyasını aldı. Orta küz ayınıñ 17-nci gecesi ukrayin dronları oña ücüm etti.
Orta küz ayınıñ 21-nde "Radio Svoboda" haber agentligi öz Telegram kanalında maqbul uydu resimlerinen paylaştı.
"Orta küz ayınıñ 21-nde saba maalinde çıqarılğan urdu resmine köre, eñ az beş yaqarlıq saqası yandı. Teñeştirmek içün orta küz ayınıñ 15-nde çıqarılğan fororesim" — dep bildirildi.
Hatırlatamız ki, orta küz ayınıñ 17-nden itibaren işğal etilgen Qırımda benzin stantsiyalarınıñ çoqusından tek benzin degil, dizel yaqarlığı da yoq oldı. Ğaliba, bunıñ sebebi — aynı şu künü Ukrayina arbiy hızmetçileriniñ Ğvardiyskedeki (Sarabuzdaki) neft bazaları ve yaqarlıq yedeklerine zarar ketirmeleri oldı.
Orta küz ayınıñ 17-nde Ukrayina Mahsus operatsiyalar quvetleri, işğal etilgen Qırımnıñ "Ğvardiyskıy" kombinatına ve neft bazasına ücüm etkenini bildirdi.
Bundan evel "Strategiya XXI" globalistika merkeziniñ prezidenti Mıhaylo Ğonçar bildirdi ki, Suspilne Qırımğa, Ukrayinanıñ mudafaa quvetleriniñ tekrar kirişüvi sebebinden Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) neft bazası, kilitli rezervuar parkı ve liman vastasınen yaqarlıq berilmesi içün keçit noqtası, tamir etilmez.
"Strategiya XXI" globalistika merkeziniñ havfsızlıq programmalarınıñ reberi Pavlo Lakiyçuknıñ Suspilne Qırımğa aytqanı kibi, Feodosiya (Kefe) deñiz neft terminalı — Qırım ve Rusiye ordusına neft mahsulatınıñ berilmesini temin etken esas logistika noqtası ola. Rusiye Silâlı quvetlerine bu ücüm sebebinden büyük yaqarlıq meseleleri peyda ola bilir.
Bundan evel, orta küz ayınıñ 20-nde, işğal etilgen Qırımda ukrayin istihbaratı Rusiyeniñ uçucısız uçaq aletlerine qarşı yapılğan "Valday" yañı radiolokatsiya sistemasını yoq etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
