İşğal etilgen Qırımda ukrayin istihbaratı Rusiyeniñ uçucısız uçaq aletlerine qarşı "Valday" yañı radiolokatsiya sistemasını yoq etti.
Ukrayina Mudafaa nazirliginiñ Bİİ bunı bildirdi.
"Ukrayina Mudafaa nazirliginiñ Bİİniñ faal areketler departamentiniñ uçucısız sistemalar idaresiniñ ustaları vaqtınca işğal etilgen Qırımnıñ "Canköy" ava limanındaki Moskva askerleri tarafından gizlengen paalı radiolokatsiya sistemasını tapıp, maqsatqa ücüm ettiler", — dep Bİİ bildirdi.
İsithbaratnıñ malümatına köre, kompleks, kiçik ölçeli dronlarnı tapmaq ve yoq etmek içün yaratılğan eñ yañı Rusiye örneklerinden biri edi. Bu sistemalarnıñ fiyatı millionlarnen dollarnı teşkil ete, ve onıñ yoq etilmesi, işğalcilerniñ yarımada üzerinde ava kontrolini ciddiy şekilde eksiltti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
