Bu sene Avropa hatıra ve vicdan platformasınıñ (Platform of European Memory and Conscience) mukâfatını, "patlayıcı alet saqlağanı"nda qabaatlanıp, işğalciler tarafından qanunsız şekilde aman-aman 7 yıl apis cezasına mahküm etilgen Qırım cemaat jurnalisti ve uquq qorçalayıcısı İrına Danılovıç aldı.
Avropa hatıra ve vicdan platformasınıñ saytında bu aqqında haber etildi.
"Nezaret, qorquzuv, hırsızlav ve işkencege baqmadan, Danılovıç adaletsizlikni aydınlatıp, aqiqatnı aytmaqta qattı israrlı olğanını kösterdi. Avropanıñ eñ repressiv müitinde demokratik degerlik ve esas serbestliklerge sadıqlığı onı tek jurnalist ve tibbiyet hadimi degil, aynı zamanda qarşılıq ve ahlâqiy aydınlıq timsali yapa", — dep haberde qayd etildi.
Platforma totalitarlıqqa qarşı küreşken, demokratiya, insan aqları ve serbestligi, uquq üstünligi ğayeleri içün küreşkenlerge mukâfat bere. Mukâfat ğaliplerniñ küreşine qol tutmaq, taqiplerden qorçalamaq ve davağa halqara seviyede diqqat ayırmaq içün berile.
"İrına Danılovıç, eñ yaramay yerlerde bile, bir sesniñ kerçekni aydınlata bilecegini hatırlata", — dep Platformnıñ prezidenti Marek Mutor.
Siyasiy mabüsniñ babası Bronıslav Danılovıç Suspilne Qırımğa añlattı ki, Rusiye apishanesinde onıñ sol qulağında eşitüv qabiliyetini coydı ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) SİZOsında insult keçirdi, kerekli ilâclarnı almağa imkânı yoq edi, buña baqmadan baş ve qulağında ağır ağrılar ola.
"Qışta mında 400 kişi otura, 5 kolonna ve suvuq suv bar. Buz qırıp, buzlu suvnen yuvunğanları vaqialar da bar. Duş almaq içün pek az vaqıt berile. Qızımnıñ aytqanına köre, "Sabun almağa vaqıtıñ olur, amma sabunı yuvmağa vaqtıñ olmaz". Onıñ eki esas talabı — tedaviylenüv ve sanitar-turmuş şaraitidir", — dep Bronıslav Danılovıç.
İrına Danılovıç aqqında ne bilemiz
Saban ayınıñ 29-ında vaqtınca işğal etilgen Qırımda işten evge qaytqanda İrına Danılovıç ğayıp oldı. Aynı kün Kefe yanında Oy Quyu köyündeki evi tintildi. Anda ana-babaları yaşağan ediler, evini tintkende işğal quvetçileri cep telefonı ve tehnikasını alıp çıqardılar.
Bir qaç ay devamında tibbiy yardım talap etken soñ saban ayınıñ 21-inde açlıq çekmege ilân etti — izolâtorda, ayrıca keçken sene üküm çıqarılğan soñ onıñ sağlığı pek zayıfladı.
Cinaiy davasınıñ bilgilerinen tanış olıp bitirmek içün qanunsız "Kefe şeer makemesi"ne ketkende Danılovıç bayıldı. Bundan ğayrı, azaplar sebebinden açlıq ilân eter.
Çiçek ayınıñ 6-sında jurnalist açlıq bitirdi, çünki onı teşkermek ve tedaviylemek içün onı Aqamescitteki SİZOdan hastahanege alıp ketirmege söz berdiler.
Bozarğan aynıñ 29-ında işğal etilgen Qırım Yuqarı makemesi içtimaiy jurnalist ve faalci İrına Danılovıçnıñ ükümini deñiştirdi. Bundan evel patlayıcı alet saqlağanı sebebinden yedi senege malüm etildi. Apellâtsiya makemesiniñ qararına köre ceza müddeti bir ayğa azladılar.
Keçken sene boş ayda bildirildi ki, Danılovıç sanitar olmağan şartlarda buluna ve ihtiyac duyğanına baqmadan onı tedaviylemeyler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
