Qırımda işğalciler yaqarlıq qıtlığı sebebinden "acele yardım maşnaları"nıñ seferlerini sıñırladılar. İnsanlarğa hastahanege özleri barmağa tevsiye eteler.
Milliy muqavemet merkezi bunı bildirdi.
"Hastahaneler yaqarlıqnı iqtisat etmege ve "acele yardım maşnaları"nıñ seferlerini qısqartmağa emir ettiler. Sebep — yaqarlıq qıtlığı ve işğalli memuriyetniñ buhranı al etmege becerememesi. Şimdi maşnalar tek fevqulâde vaziyetler içün çıqa, insanlarğa ise hastahanege özleri barmağa tevsiye eteler. Akimiyet ealige para bermey — amma orduğa ve repressiv qurulışlarğa degil. İşğalcilerniñ öz menfaatlarını insanlarnıñ ayatından üstün tutqanınıñ daa bir misali", — dep haberde bildirildi.
Daa evel "Otpor" Telegram kanalı bildirdi ki, işğalli akimiyet rus arbiy hızmetçilerine ilk nevbette yaqarlıq bererek, vatandaşlarğa berüvni sıñırlay. Yerli sakinler de yaqarlıq keyfiyetiniñ fenalaşqanını ve hırsızlıq adiseleri aqqında bildireler — benzinni parking etilgen maşnalardan tökmege başladılar.
İşğalli Qırım yolbaşçısı Sergey Aksönov bildirdi ki, orta küz ayınıñ 11-nden başlap arman ayınıñ soñundan berli yaqarlıq qıtlığı olğan yarımadada qoşma olaraq daa 18 benzin stantsiyası çalışıp başladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
