Ukrayin arbiy hızmetçileri işğal etilgen yarımadanıñ eñ büyük ve eki kündir yanğan neft terminalına ücüm etken soñ, Feodosiyadaki (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) benzin stantsiyalarında nevbetler peyda oldı.
Orta küz ayınıñ 7-nde yerli Telegram kanalları bunı bildirdiler.
Hususan, şeerniñ SES rayonında "kilometrlik" nevbet peyda oldı. Bundan da ğayrı, Feodosiyada (Kefede) yanğan neft bazasınıñ yanğan rezervuarlarını köstergen video peyda oldı, olarda arabalardan benzin stantsiyasına nevbetler qayd etile.
Rusiye Federal Antimonopol hızmetiniñ başı Maksim Şaskolskiy TASS Rusiye devlet haber agentligine bildirdi ki, hızmet Qırımdaki benzin stantsiyalarındaki vaziyetni qıymet kese.
Hususan, o, yaqarlıq fiyatı artqanı sebebinden yañı tenbiyelevlerni red etmeycegini qayd etti.
Hatırlatamız ki, işğal etilgen Qırımda eki kündir Feodosiyada (Kefede) yerleşken yarımadanıñ eñ büyük neft terminalı yana. 12 km-ge tarqalğan yanğınnıñ sebebi, orta küz ayınıñ 6-nda gece, Ukrayina silâlı quvetleriniñ Baş ştabınıñ tasdıqlağanı ukrayin dronlarınıñ ücümi oldı. Şaatlarnıñ aytqanlarına köre, yanğın yañı rezervuarğa da keçti.
"Strategiya XXI" Globalistika merkeziniñ havfsızlıq programmalarınıñ reberi Pavlo Lakiyçuknıñ aytqanına köre, Feodosiya (Kefe) deñiz neft terminalı Qırım ve Rusiye ordusına neft mahsulatınıñ berilmesini temin etken esas logistik noqta ola. RF Silâlı quvetlerine ücüm sebebinden büyük yaqarlıq meseleleri peyda ola bile.
Arbiy mütehassısnıñ tahminlerine köre, neft bazısı beş künden bir aftağa qadar yana bile. Lâkiyçuknıñ aytqanına köre, ukrayin ameliyatı mürekkep edi: neft bazasına ücümden evel ukrayin quvetleri Qırımnıñ ğarbiy yalısında — Tarhan Qut, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Fiolent — işğalcilerniñ ava mudafaasınıñ elementlerini yoq ete bile ediler.
Mütehassısnıñ sözlerine köre, bu, yarımadanıñ tereninde — Feodosiy (Kefe), Kirovske ya da Bağerove kibi — meskün yerlerge zarar ketirmek içün qullanılacaq mudafaa sistemasında muvaqqat "qapı"larnı yarata.
"Yani esas mesele — yolnı basıp keçmek, soñ ise onı batırmaq. Biz yolnı bilemiz... Qırım — bizim toprağımız, bizim askerlerimiz, biz onı ayaqlarımıznen basıp keçtik, er bir arbiy qasaba — olarnıñ zapt etkenleri arbiy qasabalarımızdır. Bütün sanayı obyektleri — bu bizim arbiy obyektlerimiz ya da olarnıñ alğanları sanayı obyektlerimizdir. Biz em pozitiv, em de menfiy taraflarını bilemiz. Olar Qırımğa boşuna kettiler", — dep Lakiyçuk bildirdi.
Feodosiyada (Kefede) olğan neft terminalı daa evel ukrayin ücümlerine oğrağan edi. Birinci kere USQ 2024 senesi orta küz ayınıñ 7-nde gece, Rusiye diktatorı Vladimir Putinniñ doğğan künü ögünde, bir neft bazasına ücüm etti. Yanğın bir aftadan ziyade devam etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
