İlk küz ayınıñ 30-nda Zıtomır vilâyet topraqşınaslıq müzeyinde Qırım ressamı ve siyasiy mabüs Boğdan Zizağa bağışlanğan "Öksüz içün. For Orphan" umumiy ukrayin sanat kampaniyası başlandı. Teşebbüs, Ziza ve diger ukrayin siyasiy mabüsleriniñ taqdirine diqqat celp etmege niyetlene.
Orta küz ayınıñ 1-nde "QırımSOS" cemaat uquq qorçalayıcı teşkilâtı bu aqqında haber etti.
Qırımtatar ressamı mabüsniñ eserlerinden birisini canlandırıp, onı Rusiye tarafından tutulğan ukrayina siyasiy mabüslerinen birdemlik numayışına çevirdi.
Zıtomır şeeriniñ sakinleri, litsey talebeleri, cemaat teşkilâtları ve akimiyet temsilcileri de Zizanıñ eserleriniñ motivlerini qullanıp, trafaretler yardımınen resimlerni yapa ediler.
"Zıtomır vilâyetiniñ sakinleri bu leyhağa pek yahşı qarşılandı. Tedbirge 40-tan ziyade insan keldi, bazıları mektüp yazmaqtan başlap mekteplerde haber derslerine qadar devam etecek teşebbüslerge qoşulmağa azırlar. Böyle tedbirlerniñ balalar ve gençlerge tesir etmesi müimdir", — dep "QIrımSOS" bölge koordinatorı Svitlana Korsik qayd etti.
Bundan evel Boğdan Zızanıñ Rusiye vatandaşlığı öz ricasınen lâğu etilgen edi, dep Suspilne Qırımğa onıñ qardaşı Oleksandra Barkova bildirdi. Bu siyasiy mabüs içün simvolik ve printsipial bir adım edi. Qorantası tüşüne ki, bu qarar onıñ azat etilmesini tezleştire bile, çünki Rusiye Qırım sakinlerini öz vatandaşları olaraq sayğanı içün qaytarmağa istemey.
Bundan evel Boğdan Ziza Rusiyege bergi tölememek içün "Vladimir Merkezi" Rusiye müstemlekesinde mabüslerge teklif etilgen işten vazgeçti, dep Suspilne Qırımğa onıñ qardaşı Oleksandra Barkova bildirdi.
Boğdan Ziza aqqında ne bilemiz
2022 senesi mayıs ayınıñ 20. künü qırım ressamı ve faalcisi Boğdan Zizağa qarşı "terror aktını yapmağa ıntıluvı" aqqında cinaiy dava açıldı. Onı şübeleyler ki, mayıs ayınıñ 16. künü işğalli şeer memuriyetiniñ binasını boyanen boyaladı ve onı yaqmağa tırışqan.
Bozarğan aynıñ 6. künü Rostov-na-Donudaki Cenübiy bölge arbiy makemesi qırım ressamı ve faalcisi Boğdan Zizanı 15 senege maküm etti.
Bozarğan aynıñ 10. künü Ziza açlıq ilân etti. O, rusiye vatadaşlığından marum etmesini ve ukrain siyasiy mabüslerini azat etmesini talap etti. Bozarğan aynıñ 27. künü açlıq çekmege bitirdi.
Ukrain repçisi Artem Loik, 15 senege maküm etilgen ressam ve faalcini destek etmek içün video çıqardı, çünki Ziza soñ sözüni aytqanda repçiniñ "Krıla" ("Qanatlar" - terciman) yırından sözlerni qullandı.
Qırımda apis etilgen Kezlevli ressam Boğdan Zizanıñ şerefine ukrain ressamları trenni resimlernen yaraştırdılar.
2023 senesi berim ayınıñ 27. künü Vlasıha şeerindeki Arbiy apellâtsiya makemesi, qırım ressamınıñ 15 senelik ükümini deñiştirmeyip qaldı.
Boş aynıñ 12. künü siyasiy mabüsniñ mektüp dostu ondan mektüp alıp haber berdi ki, Boğdan Ziza Perm şeeriniñ 29. müstemlekesine etap etile. Bundan evel arqabaları, etap devrinde qayda bulunğanını bilmegen ediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
