Moskvadaki Vlasıha şeerindeki Arbiy appelâtsiya mekemesi, qırım ressasmı Bohdan Zizanıñ cezasını — 15 senelik ükümini deñiştirmeyip qaldırdı.
Siyasiy mabüsniñ qız qardaşı Oleksandra Barkova, Suspilne Qırımğa bu aqqında haber berdi.
"Qarar berildi, deñişmeyip qaldırdılar, böylece de epis etecekler", — dep añlattı o.
Barkovanıñ sözlerine köre, Rusiyedeki Novoçerkaskqa onıñ ağasını etap etkenler, açlıqtan soñ özüne endi kelgen.
"O yahşıdır, amma elbette ruhu zayıf", - dep tafsilâtlıca añlattı o.
Bohdan Ziza aqqında ne bilemiz
- Bozarğan aynıñ 6-sında Salı künü Rostov-na-Donudaki Cenübiy bölge arbiy makemesi qırım ressamı ve faalcisi olğan Bohdan Zizanı 15 senege maküm etti.
- Ukrain reperi Artem Loik, 15 senege maküm etilgen Kezlevli ressam-faalci Bohdan Zizanı destek etmek içün bir video çıqardı. O ise, öz soñ sözlerinde reperniñ "Krıla" yırından sözlerni qullandı.
- 27 yaşındaki Kezlevli Bohdan Zizağa qarşı terrakt azırlav aqqında cinaiy dava açıldı. Onı işğal şeer memuriyetiniñ binasını boyanen boyalamaqta ve onı ateşke bermege tırışmaqta qabaatlaylar.
- Bozarğan aynıñ 5-inde rusiye arbiu makemesiniñ prokurorı, Bohdan Ziza içün 18 senelik üküm çıqarmağa rica etti.
- Ukrain ressamları, Qırımda tutulğan Kezlevli ressam Bohdan Zizanıñ urufatına trenni boyaladılar.
- Bozarğan aynıñ 10-unda Cumaertesi künü rusiye makemesi tarafından maküm etilgen faalci Bohdan Ziza, açlıq ilân etti. Bozarğan aynıñ 27-sinde Ziza açlıq bitirdi. O, özüni rus vatandaşlığından marum etmege ve ukrain siyasiy mabüslerini azat etmege talap ete edi.
Telegram, Viber ve Facebookta Suspilne Qırım haberlerine abune oluñız
