Herson vilâyetiniñ vaqtınca işğal etilgen topraqlarında ruslar yaqarlıq satıluvına sıñırlavlarnı azırlaylar — sakinlerge Qırım içün endi tanış olğan shema boyunca "bir elge" sıñırlavlarını ilân eteler. Rusiye Energetika naziri Sergey Tsivilov, işğal etilgen yarımadada yaqarlıqnen bağlı meseleler eñ az orta küz ayınıñ soñuna qadar devam etecegini bildirdi.
Milliy muqavemet merkeziniñ (MMM) orta küz ayınıñ 1-nde Facebook saifesinde bildirgenine köre, Gauleiter Vladimir Saldo "istiqrar" aqqında aytqanına baqmadan, Herson vilâyetiniñ VİETnıñ yerli sakinleri bir elge yaqarlıq miqdarını sıñırlamağa azırlanalar.
"Shema Qırımdan endi tanış: benzin stantsiyalarındaki biletler, saatlernen devam etken nevbetler ve bir maşna içün bir qaç litr", — dep haberde qayd etildi.
Rusiye Energetika naziri Sergey Tsivilov bildirdi ki, Qırım ve Sevastopolğa (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adğa) yaqarlıq teminatınen bağlı mesele orta küz ayınıñ soñuna qadar çezilecek, dep Rusiye devlet haber agentligi TASS haber etti.
Onıñ aytqanına köre, qarar bu aftanıñ soñuna qadar alınmalı, lâkin yaqarlıqnen bağlı vaziyet bir qaç afta devam etecek.
"Qırım yeli" yerli Telegram kanalınıñ bildirgenine köre, bu qıtlıq sebebinden TES ağında Aİ-92 ve Aİ-95 benzinleri tek şirketlerniñ kuponlarınen berile.
Bundan da ğayrı, yaqarlıq stantsiyalarınıñ saipleri sahte yaqarlıqnı satıp, para qazanalar.
Yerli sakinlerniñ "Qırım yeli" agentligine bildirgenlerine köre, yaqarlıq stantsiyasındaki vaziyet şimdilik tınçlandı: nevbetler eksildi, çeşit benzin stantsiyalarında sıñırlanğan yaqarlıq miqdarı ola.
Qırımda yaqarlıq qıtlığı aqqında ne bilemiz
Arman ayınıñ soñundan yarımadada benzin qıtlığı kerginleşti: yaqarlıqnı diger şeerlerden qıdırmaq mecburlar, benzin stantsiyasında nevbetler peyda ola. İşğalli yolbaşçı Sergey Aksönov bozulğanlarnı tanıdı ve suv teminatını ğayrıdan tiklemege vade etti.
"Eki kün devamında benzin stantsiyalarını kerekli miqdarda AI-95 benzininen temin etmek planlaştırıla. Eki afta içinde AI-92 benzininiñ barlığı meselesi çezilecektir", — dep qayd etti o.
Ukrayina prezidentiniñ Qırım Muhtar Cumhuriyetindeki temsilciligi Suspilne Qırımğa işğalcilerniñ kerçekten de logistika meseleleri bar olğanını tasdıqladı.
"Qırım köprü bozulmadan evel partiyalar (benzin — terciman) demiryol naqliyatınen kele edi, partiyalar deñiz naqliyatınen kele edi. Silâlı quvetlerniñ muvafaqiyetli ücümlerinden soñ ve em Qırım köprü, em de deñiz teminatı bozulğan soñ, olar şimdi vazgeçtiler ve çoqusını maşna naqliyatınen temin etmege tırışalar", — dep Suspilne Qırımğa Ukrayina prezidentiniñ QMC daimiy temsilcisiniñ muavini Denıs Çıstikov bildirdi.
İşğalni ögrenüv merkeziniñ yolbaşçısı Petro Andrüşenko qayd etti ki, Qırımdaki yaqarlıq meselesi çezilse, büyük ihtimalnen bu Rusiye bölgeleri vastasınen olacaq.
"Qırımğa ne qadar alıp ketseler, o qadar, meselâ, Rostov vilâyeti, Kuban almaz. Demek ki, erte ya da keç Qırımğa kelir. Olar bunı belli bir müddetke toqtata bileler, Qırımnen daa bir kere muvafaqiyetsiz olğanını dünyağa köstermemek içün", — dep İşğalni ögrenüv merkeziniñ yolbaşçısı ayttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
